తేరుకోకముందే.. హైదరాబాద్ లో భారీ వర్షం

ఇటీవల కురిసిన వర్షాలకు హైదరాబాద్ వాసులు ఇంకా తేరుకోకముందే మరోసారి వర్షం కురుస్తోంది. హైదరాబాద్ లోని పలు ప్రాంతాల్లో సోమవారం సాయంత్రం వర్షం కురుస్తూ ఉంది. వాతావరణ శాఖ అధికారులు హెచ్చరించిన ప్రకారంగానే హైదరాబాద్ లో మళ్లీ భారీ వర్షం కురుస్తుంది. జూబ్లీహిల్స్, బంజారాహిల్స్ లో భారీ వర్షం కురుస్తూ ఉంది. లింగంపల్లి, ఆశోక్ నగర్, మియాపూర్, బాలానగర్, నేరేడ్ మెట్, దిల్ సుఖ్ నగర్, ఎల్ బీ నగర్, ఖైరతాబాద్, తదితర ప్రాంతాలను కూడా వరుణుడు పలకరించాడు. వర్షాలపై జీహెచ్‌ఎంసీ ప్రజలను అప్రమత్తం చేసింది. రేపు ఉదయం వరకు మోస్తరు నుంచి భారీ వర్షం కురిసే అవకాశం ఉందని హెచ్చరించింది. అత్యవసర సమయాల్లో 900113667, 040-2111 1111 నంబర్లలో సంప్రదించాలని కోరింది.