Hyderabad : నేడు హైదరాబాద్ కు ఫుట్ బాల్ దిగ్గజం మెస్సీ

శంషాబాద్ విమానాశ్రయంలో భారీ స్వాగతం పలికేందుకు ప్రభుత్వం అన్ని ఏర్పాట్లు చేసింది. విమానాశ్రయం నుంచి మెస్సీ నేరుగా తాజ్ ఫలక్ నుమా హోటల్ కు వెళ్లనున్నారు. మెస్సీ రాక సందర్భంగా ఎయిర్ పోర్టు నుంచి భారీ భద్రతను ఏర్పాటు చేశారు. హోటల్ లో మీట్ అండ్ గ్రీట్ కార్యక్రమంలో మెససీ పాల్గొననున్నారు. తర్వాత రాత్రి ఏడు గంటలకు మెస్సీ ఉప్పల్ స్టేడియానికి చేరుకుంటారు. మెస్సీతో ఉరుగ్వేకు చెందిన సువారెజ్, అర్జెంటీనా కు చెందిన డి పాల్ కూడా ఉంటారు. గంట సేపు ఉప్పల్ స్టేడియంలోనే మెస్సీ గడుపుతారు.

ఉప్పల్ స్టేడియం చేరుకున్న తర్వాత తొలుత ఎగ్జిబిషన్ మ్యాచ్ జరుగుతుంది. అందులో మెస్సీ పాల్గొంటారు. ఈ మ్యాచ్ ఇరవై నిమిషాలు జరరుగుతుంది. చిన్నారులు ఈ ఫుట్ బాల్ మ్యాచ్ ఆడతారు. చివరి ఐదు నిమిషాలు మాత్రం మెస్సీతో పాటు ముఖ్యమంత్రి రేవంత్ రెడ్డి కూడా ఫుట్ బాల్ ఆడతారు. అనంతరం మెస్సీ చిన్నారులతో ముచ్చటిస్తారు. ఆటలో మెళుకువలను చెబుతారు. అనంతరం పెనాల్టీ షూటౌట్ విజేతలకు మెస్సీ చేతుల మీదుగా బహుమతి ప్రదానం జరుగుతుంది. అనంతరం మెస్సీని ముఖ్యమంత్రి రేవంత్ రెడ్డి సన్మానిస్తారు. రాత్రికి హైదరాబాద్ లోనే బస చేసి ఉదయం ముంబయి బయలుదేరి వెళతారు. మెస్సీ రాక సందర్భంగా భారీ బందోబస్తు ఏర్పాట్లు చేశారు.