సైబర్ క్రైమ్ పోలీసుల సరికొత్త రికార్డు

సైబరాబాద్ సైబర్ క్రైమ్ పోలీసులు కేవలం వారం రోజుల్లోనే పదకొండు కేసులను పరిష్కరించారని తెలిపారు. సైబరాబాద్‌ సైబర్‌క్రైమ్‌ పోలీసులు నవంబర్‌ 12వ తేదీ నుంచి 18వ తేదీ వరకు 11 సైబర్‌ కేసులలో నిందితులను అరెస్ట్ చేశారు. ఈ కేసుల్లో పలు రాష్ట్రాలకు చెందిన 18 మందిని అరెస్ట్‌ చేశారు. దర్యాప్తులో దేశవ్యాప్తంగా విస్తరించిన సైబర్‌ మోసగాళ్ల నెట్‌వర్క్‌ బయటపడిందని పోలీసులు తెలిపారు. అరెస్ట్‌ చేసిన పద్దెనిమిది మందిలో 15 మంది ట్రేడింగ్‌ మోసాలకు సంబంధించిన వారేనని తెలిపారు. నిందితుల నుంచి 17 మొబైల్‌ ఫోన్లు, నాలుగు సిమ్‌ కార్డులను స్వాధీనం చేసుకున్నారు.