Hydra : ఆదివారం హైడ్రా కూల్చివేతలు ప్రారంభం.. ఈసారి విల్లాలు, భవనాలు

కూల్చివేతలకు కొద్ది రోజులు గ్యాప్ ఇచ్చిన హైడ్రా తిరిగి ఆదివారం మొదలుపెట్టింది. హైదరాబాద్ నగరంలో ప్రభుత్వ స్థలాలను, బఫర్ జోన్ లో నిర్మించిన భవనాలను కూల్చివేయడం ప్రారంభించింది. తెల్లవారు జాము నుంచే కూల్చివేతలు ప్రారంభమయ్యాయి. కూకట్‌పల్లి, అమీన్ పూర్ లో అపార్ట్‌మెంట్లు,విల్లాలను కూల్చివేస్తుంది. మొత్తం పదకొండు ఎకరాల్లో ఈ ఆక్రమణలున్నట్లు హైడ్రా అధికారులు గుర్తించారు. కూకట్ పల్లిలో ఏడుఎకరాల్లోనూ. అమీన్ పూర్ లో నాలుగు ఎకరాల్లో అక్రమ నిర్మాణాలను చేపట్టారు. అపార్ట్‌మెంట్లు, విల్లాలను నిర్మించి కొందరు సొమ్ముచేసుకున్నారు. బఫర్ జోన్ లో ఉన్నందున వాటిని కూల్చివేయడానికి నిర్ణయించినట్లు హైడ్రా అధికారులు విల్లాలకు, అపార్ట్‌మెంట్లకు నోటీసులు ఇచ్చారు. మొత్తం పదహారు ఎకరాల్లో నిర్మించిన షెడ్లను కూడా కూల్చివేశారు.