Mango: ఈ మామిడి పండు తింటున్నారా? అయితే మీరు ట్రబుల్ లో పడినట్లే

విరివిగా ఇథలిన్, నిషేధిత కాల్షియం కార్టెడ్ వినియోగం వలన దీర్ఘకాలంలో చర్మ, శ్వాసకోశ, గ్యాస్ట్రిక్ సమస్యలు వస్తాయి. సాధారణంగా మామిడి కాయ పది నుంచి పన్నెండు రోజుల్లో పండుగా మారుతుంది. అయితే, ఇథలిన్, కాల్షియం కార్బైడ్ వల్ల పచ్చికాయలు కేవలం రెండు, మూడు రోజుల్లోనే పసుపుపచ్చ రంగులోకి మారిపోతాయి. రసాయనాలతో మాగబెట్టిన మామిడి పండ్లను గుర్తించడానికి మరియు ఆ ముప్పు నుంచి తప్పించుకోవాలంటే ఈ ముఖ్యమైన సూచనలు పాటిల్సిందే.

పండు మొత్తం ఒకే రకమైన పసుపు రంగులో ఉండి, అక్కడక్కడ పచ్చని చుక్కలు కూడా లేకుండా ఉంటే అది రసాయనాలతో పండినట్టు అనుమానించాలి. సహజంగా పండిన పండులో పసుపు మరియు ఆకుపచ్చ రంగులు కలిసి ఉంటాయి.రుచి మరియు వాసనలో కూడా తేడా ఉంటుంది. కృత్రిమంగా పండిన పండ్లకు అసలైన మామిడి వాసన ఉండదు. తిన్నప్పుడు కూడా నోటిలో కొద్దిగా మంట అనిపించవచ్చు లేదా రుచి చప్పగా ఉంటుంది.నీటి పరీక్ష ద్వారా అసలు.. నకిలీ మామిడి పండు ఏదన్నది తెలుసుకోవచ్చు. ఒక బకెట్ నీటిలో మామిడి పండ్లను వేయండి. సహజంగా పండిన పండ్లు నీటిలో మునుగుతాయి. రసాయనాలతో పండించినవి నీటిపై తేలుతాయి పండు పైన పచ్చగా ఉన్నా లోపల గుజ్జు లేత పసుపు లేదా తెల్లగా ఉంటే అది ఖచ్చితంగా రసాయనాల వాడకమే.

ముందే వచ్చే పండ్లు రసాయనాల ప్రభావానికి గురయ్యే అవకాశం ఎక్కువ. సీజన్ ఊపందుకున్న తర్వాత సహజంగా పండిన పండ్లు దొరికే అవకాశం ఉంటుంది.అందుకే రోడ్ల వెంట మామిడి పండ్లను కొనుగోలు చేసే వారు జాగ్రత్తగా ఉండాలి. కాల్షియం కార్బైడ్ మరియు అధిక మొత్తంలో ఇథలిన్ వాడకం వల్ల దీర్ఘకాలంలో ఊపిరితిత్తుల క్యాన్సర్ వంటి ప్రమాదకర వ్యాధులు కూడా వచ్చే అవకాశం ఉంది. కాబట్టి, కొనే ముందు ఒక నిమిషం ఆలోచించి నిర్ణయం తీసుకోవడం మన ఆరోగ్యానికి ఎంతో మేలు.