చంద్ర గ్రహణం.. ఏ సమయంలో అంటే?

చంద్రగ్రహణం కారణంగా తిరుమల శ్రీవారి ఆలయం అక్టోబర్ 28 రాత్రికి మూసివేయనున్నారు. అక్టోబర్ 29న తిరిగి తెరుస్తారు. గ్రహణ సమయానికి 6 గంటల ముందుగా ఆలయం తలుపులు వేయడం ఆనవాయితీ కావడంతో 28 రాత్రి తిరుమల శ్రీవారి ఆలయాన్ని మూసివేస్తారు. శ్రీవారి ఆలయాన్ని అక్టోబరు 29వ తేదీ తెల్లవారుజామున 3:15 గంటలకు ఏకాంతంలో శుద్ధి, సుప్రభాత సేవ నిర్వహించి ఆలయ తలుపులు తెరుస్తారు. చంద్రగ్రహణం కారణంగా ఏపీలోని విజయవాడ ఇంద్రకీలాద్రిపై శ్రీ దుర్గా మల్లేశ్వర స్వామి వారి ఆలయంతోపాటు, ఇతర ఉప ఆలయాలను మూసివేయనున్నారు. సాయంత్రం 6 గంటల 30 నిమిషాలకు అమ్మవారికి పంచహారతులు సేవ అనంతరం ఆలయాలను మూసివేయనున్నారు. తెల్లవారుజామున మూడు గంటలకు ఆలయ ద్వారాలు తెరిచి అమ్మవారికి స్నపనాభిషేకం, నిత్య అలంకరణ పూజలు చేస్తారు. ఉదయం 9 గంటల నుంచి దర్శనానికి అనుమతిస్తారు. శ్రీశైలం మల్లికార్జున స్వామి దేవస్థానాన్ని మూసివేయనున్నారు.