Fri Dec 05 2025 09:51:48 GMT+0000 (Coordinated Universal Time)
ఫ్యాక్ట్ చెక్: వైరల్ వీడియో లో అరెస్ట్ అయినవారు అమెరికా ఏయిర్ ఫోర్స్ పైలట్లు కాదు, వాదన తప్పుదారి పట్టిస్తోంది
2023 అక్టోబర్లో ప్రారంభమైన ఇజ్రాయెల్-హమాస్ వివాదం ఇప్పటికీ కొనసాగుతోంది. హమాస్ ఉగ్రవాదుల కోసం వెతుకుతూ ఇజ్రాయెల్ దాడుల
Claim :
ఆయుధాలతో నిండిన విమానాలను ఇజ్రాయెల్కు చేరవేయడానికి నిరాకరించిన అమెరికా పైలట్లను అమెరికా అధికారులు అరెస్టు చేశారుFact :
వీడియోలో కనిపిస్తున్న ఇద్దరు అమెరికన్ ఆర్మీ మాజీ సైనికులు (రిటైర్డ్), సెనేట్ విచారణకు భంగం కలిగించినందుకు వారిని అరెస్టు చేసి, తరువాత విడుదల చేశారు
2023 అక్టోబర్లో ప్రారంభమైన ఇజ్రాయెల్-హమాస్ వివాదం ఇప్పటికీ కొనసాగుతోంది. హమాస్ ఉగ్రవాదుల కోసం వెతుకుతూ ఇజ్రాయెల్ దాడులను మరింత ముమ్మరం చేసింది. గాజా నగరంపై వైమానిక బాంబు దాడులకు కూడా పాల్పడింది. ఇజ్రాయెల్కు పాశ్చాత్య దేశాల మద్దతు కారణంగానే ఈ వివాదం కొనసాగుతోందని చాలామంది భావిస్తున్నారు.
ఇంతలో, యునైటెడ్ స్టేట్స్ ఆఫ్ అమెరికా సాయుధ దళాలకు చెందిన ఇద్దరు అధికారులను అరెస్టు చేశారంటూ కొన్ని పోస్టులు సోషల్ మీడియాలో వైరల్ అవుతూ ఉన్నాయి. వారు యూనిఫాంలు ధరించి ఉండగా పోలీసు అధికారులు వారిని బయటకు లాక్కెళ్లి అరెస్టు చేస్తున్నట్లు చూపించే వీడియో సోషల్ మీడియా ప్లాట్ఫామ్లలో వైరల్ అవుతోంది. వారు ఆయుధాలు, మందుగుండు సామగ్రితో నిండిన విమానాలను ఇజ్రాయెల్కు తీసుకుని వెళ్లడానికి నిరాకరించిన అమెరికన్ వైమానిక దళ పైలట్లు అనే వాదనతో పోస్టులను వైరల్ చేస్తున్నారు. వీడియోలో 'మీరు జాతి నిర్మూలనలో భాగస్వాములు' అని అరవడం మనం వినవచ్చు.
వైరల్ పోస్టు ఆర్కైవ్ లింక్ ను ఇక్కడ చూడొచ్చు.
ఫ్యాక్ట్ చెక్:
వైరల్ అవుతున్న వాదన ప్రజలను తప్పుదారి పట్టించేది. వీడియోలో కనిపిస్తున్న వ్యక్తులు ఇజ్రాయెల్కు ఆయుధాలను తీసుకుని వెళ్లడానికి నిరాకరించిన పైలట్లు కాదు. వారు సెనేట్ విచారణ నుండి పక్కకు తప్పించిన ఆర్మీ మాజీ సైనికులు.
వైరల్ వీడియో నుండి కీఫ్రేమ్లను సంగ్రహించి, రివర్స్ ఇమేజ్ సెర్చ్ చేయగా మాజీ US ఆర్మీ సర్వీస్ సభ్యులు ఆంథోనీ అగ్యిలార్, జోసెఫిన్ గిల్బ్యూలను US సెనేట్ విదేశీ వ్యవహారాల విచారణకు అంతరాయం కలిగించిన తర్వాత అరెస్టు చేసినట్లు పేర్కొన్న కొన్ని పోస్ట్లను మేము Xలో కనుగొన్నాము. గాజాలో పాలస్తీనియన్లపై ఇజ్రాయెల్ చేసిన మారణహోమానికి మద్దతు ఇవ్వడంలో వారి పాత్రకు US ప్రభుత్వం, సెనేట్ కు చెందిన కాంగ్రెస్ సభ్యులు ఖండించారు. రిటైర్డ్ గ్రీన్ బెరెట్, గాజా హ్యుమానిటేరియన్ ఫౌండేషన్ (GHF)తో మాజీ కాంట్రాక్టర్ అయిన అగ్యిలార్, సహాయం పొందడానికి ప్రయత్నిస్తున్న పాలస్తీనా పౌరులపై కాల్పులు జరిపినందుకు ఈ వివాదం మొదలైంది.
అల్ జజీరా ఇంగ్లీష్ కథనం ప్రకారం, గాజాపై ఇజ్రాయెల్ యుద్ధానికి అమెరికా మద్దతును ఖండిస్తూ సెనేట్ విచారణకు అంతరాయం కలిగిస్తున్న యుఎస్ ఆర్మీ వెటరన్స్ ఆంథోనీ అగ్యిలర్, జోసెఫిన్ గిల్బ్యూను వీడియోలో చూడొచ్చు. ఇద్దరినీ అరెస్టు చేసి, తరువాత విడుదల చేసినట్లు సమాచారం.
డెమోక్రసీ నౌ అదే వీడియోను “Two U.S. military veterans were removed from a hearing of the Senate Foreign Relations Committee on Wednesday after they accused lawmakers of complicity in genocide in Gaza." అనే క్యాప్షన్ తో వీడియోను షేర్ చేసింది. మాజీ ఆర్మీ ఇంటెలిజెన్స్ అధికారి జోసెఫిన్ గిల్బ్యూను, రిటైర్డ్ గ్రీన్ బెరెట్ లెఫ్టినెంట్ కల్నల్ ఆంథోనీ అగ్యిలార్తో పాటు, సంకెళ్లు వేసి తీసుకెళ్లారు. అమెరికా, ఇజ్రాయెల్ మద్దతు ఉన్న గాజా హ్యుమానిటేరియన్ ఫౌండేషన్ అనే సంస్థకు భద్రతా కాంట్రాక్టర్గా పనిచేశాడు, తరువాత ఆహారం కోసం వెతుకుతున్న పాలస్తీనా పౌరులపై ఆ సంస్థ చేసిన ఘోరమైన దాడులను ఆరోపించాడు. "ఇప్పుడు ఇంట్లో కూర్చున్న ప్రతి అమెరికన్ మీరు భారీ మారణహోమానికి మూల్యం చెల్లిస్తున్నారని గ్రహించాలి" అని అగ్యిలార్ అన్నారు.
కనుక, సెనేట్ విచారణను భంగం కలిగించినందుకు, గాజాలో జరిగిన మారణహోమంలో చట్టసభ సభ్యులను భాగస్వాములను చేశారనే ఆరోపణలపై మాజీ US ఆర్మీ అధికారులను అరెస్టు చేసినట్లు వైరల్ వీడియో చూపిస్తుంది. ఇజ్రాయెల్కు ఆయుధాలను అందించడానికి నిరాకరించిన US పైలట్లు అనే వాదన ప్రజలను తప్పుదారి పట్టిస్తోంది.
Claim : ఆయుధాలతో నిండిన విమానాలను ఇజ్రాయెల్కు చేరవేయడానికి నిరాకరించిన అమెరికా పైలట్లను అమెరికా అధికారులు అరెస్టు చేశారు
Claimed By : Social media users
Claim Reviewed By : Telugupost Fact Check
Claim Source : Social Media
Fact Check : Misleading
Next Story