Sat May 24 2025 12:14:44 GMT+0000 (Coordinated Universal Time)
ఫ్యాక్ట్ చెక్: మహారాష్ట్రలో AIMIM నేతకు సంబంధించిన పాత వీడియోను ఇటీవలిదిగా ప్రచారం చేస్తున్నారు
తెలంగాణలో ఏఐఎంఐఎం ప్రారంభమైనప్పటికీ జాతీయ పార్టీగా అవతరించి దేశంలోని వివిధ చోట్ల పోటీ చేస్తోంది. మహారాష్ట్ర అసెంబ్లీ
Claim :
ఇటీవల హైదరాబాద్‌లో జరిగిన బహిరంగ సభలో AIMIM నాయకుడు 15 నిమిషాలు చాలు అంటూ వ్యాఖ్యలు చేశారుFact :
2024లో మహారాష్ట్ర ఎన్నికల సందర్భంగా జరిగిన ప్రచార సభకు సంబంధించిన వీడియో ఇది
తెలంగాణలో ఏఐఎంఐఎం ప్రారంభమైనప్పటికీ జాతీయ పార్టీగా అవతరించి దేశంలోని వివిధ చోట్ల పోటీ చేస్తోంది. మహారాష్ట్ర అసెంబ్లీ ఎన్నికల్లో ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్ (ఏఐఎంఐఎం) 16 స్థానాల్లో పోటీ చేసి 1 సీటు మాత్రమే గెలుచుకోగలిగింది. ఢిల్లీ అసెంబ్లీ ఎన్నికల్లో ఆ పార్టీ 2 స్థానాల్లో పోటీ చేసినా ఒక్క సీటు కూడా గెలుచుకోలేకపోయింది.
15 నిమిషాల పాటు పోలీసులు సైలెంట్ గా ఉంటే భారతదేశంలోని 25 కోట్ల మంది ముస్లింలు (జనాభా లెక్కల ప్రకారం 13.8 కోట్ల మంది) 100 కోట్ల మంది “హిందూస్థానీలకు” గుణపాఠం చెబుతారని AIMIM నాయకుడు అక్బరుద్దీన్ ఒవైసీ వివాదాస్పద ప్రకటన చేశారు. 2012 డిసెంబర్‌లో నిర్మల్ పట్టణంలో ఆయన చేసిన ఈ ప్రసంగం కారణంగా ఆయనపై 2 విద్వేషపూరిత ప్రసంగాల కేసులు నమోదయ్యాయి. అనేక ఇతర AIMIM నాయకులు కూడా ఈ 15 నిమిషాల వ్యాఖ్యలకు మద్దతుగా ప్రకటనలు చేశారు.
తాజాగా, మరో AIMIM నాయకుడు అక్బరుద్దీన్ ఒవైసీ చేసిన 15 నిమిషాల వ్యాఖ్యను పునరుద్ఘాటించిన వీడియో సోషల్ మీడియాలో వైరల్ అవుతోంది. వీడియోలో కనిపిస్తున్న నాయకుడు తాను కూడా అక్బరుద్దీన్ ఒవైసీకి అనుచరుడినని, 15 నిమిషాల సమయాన్ని నమ్ముతానని చెప్పడం వినవచ్చు. AIMIM నాయకుడిపై అవసరమైన చర్యలు తీసుకోవాలని కొందరు వినియోగదారులు హైదరాబాద్ పోలీసులను ట్యాగ్ చేశారు.
వైరల్ పోస్టుకు సంబంధించిన ఆర్కైవ్ లింక్ ను ఇక్కడ చూడొచ్చు
ఫ్యాక్ట్ చెక్:
వైరల్ అవుతున్న వాదన తప్పుదారి పట్టిస్తోంది. AIMIM నాయకుడు సయ్యద్ మొయిన్ ఇంకా మిగిలి ఉన్న 15 నిమిషాల గురించి మాట్లాడుతున్న వీడియో ఇటీవలిది కాదు. హైదరాబాద్ లో చోటు చేసుకున్నది కాదు, నవంబర్ 2024 నాటిది. “సయ్యద్ మోయిన్ + 15 నిమిషాల ప్రసంగం” అనే కీవర్డ్‌ల కోసం మేము శోధించినప్పుడు, AIMIM చేసిన వ్యాఖ్యలు ఇటీవలిది కాదని పేర్కొంటూ ఇటీవలి కొన్ని ట్వీట్‌లను మేము కనుగొన్నాము.
'నేను అక్బరుద్దీన్ ఒవైసీ బానిసను, ఆయన 15 నిమిషాల ప్రకటనను నేను కూడా నమ్ముతున్నాను' (పోలీసులను 15 నిమిషాలు తొలగించండి. భారతదేశంలోని హిందువులందరినీ అంతం చేస్తాం)" - MIM పార్టీకి చెందిన ఒక ఇస్లామిక్ నాయకుడు హిందువులను బహిరంగంగా బెదిరించాడు. ఈ ప్రజలను నిజంగా అణచివేతకు గురవుతున్నారా? అంటూ షేర్ అయిన పోస్టు లభించింది.
మహారాష్ట్ర ఎన్నికల్లో AIMIM అభ్యర్థి సయ్యద్ మొయిన్ చేసిన 15 నిమిషాల ప్రకటన వైరల్ అయింది. దీనిపై ఆయన వివరణ కూడా ఇచ్చారు. "15 నిమిషాల ప్రకటన వచ్చి చాలా కాలం అయ్యింది. నేను అసెంబ్లీ ఎన్నికల్లో నాందేడ్ నుండి AIMIM అభ్యర్థిని. నేను ప్రచారం ప్రారంభించినప్పుడు, ప్రచారం ప్రారంభించిన చివరి రోజు 15 నిమిషాలు మిగిలి ఉండగా నేను ఈ వ్యాఖ్యలు చేసాను. ఏదైనా కమ్యూనిటీ లేదా మతం లేదా హిందూ సోదరులపై ఏదైనా అవమానకరమైన వ్యాఖ్యలు చేసి ఉంటే, అప్పుడు ఖచ్చితంగా నాపై వెంటనే చర్య తీసుకుంటారు. ఎఫ్ఐఆర్ నమోదు చేస్తారు. కానీ అది జరగలేదు." అని తెలిపారు.
IANS కు సంబంధించిన ట్వీట్ కూడా మాకు కనిపించింది. నాందేడ్, మహారాష్ట్ర: AIMIM నాయకుడు సయ్యద్ మొయిన్ మీడియాతో మాట్లాడుతూ, "15 నిమిషాల ప్రకటన వచ్చి చాలా కాలం అయ్యింది. ప్రచారం చివరి రోజు 15 నిమిషాలు మిగిలి ఉండగా తాను ఆ ప్రకటన చేసాను." అని చెప్పొచ్చు. ఏ కమ్యూనిటీ లేదా మతం లేదా హిందూ సోదరులపై అవమానకరమైన వ్యాఖ్యలు చేయలేదని ఆయన చెప్పారు.
'Full Speech Syed Moin AIMIM Candidate || Public Meeting at Urdu Ghar Nanded Election Campaign 2024" అనే టైటిల్ తో నవంబర్ 18, 2024న MCN ఉర్దూ న్యూస్ నాందేడ్ ప్రచురించిన ప్రసంగం YouTube వీడియోను కూడా మేము కనుగొన్నాము.
అందువల్ల, AIMIM నాయకుడు సయ్యద్ మొయిన్ చేసిన 15 నిమిషాల వ్యాఖ్యలకు సంబంధించిన వీడియో ఇటీవలిది కాదు, హైదరాబాద్‌కి చెందినది కాదు. వైరల్ అవుతున్న వాదన టాప్పుదారి పట్టిస్తోంది.
Claim : ఇటీవల హైదరాబాద్‌లో జరిగిన బహిరంగ సభలో AIMIM నాయకుడు 15 నిమిషాలు చాలు అంటూ వ్యాఖ్యలు చేశారు
Claimed By : Twitter users
Claim Reviewed By : Telugupost Fact Check
Claim Source : Twitter
Fact Check : Partly False
Next Story