ఫ్యాక్ట్ చెక్: ‘ఓటు చోర్, గడ్డి చోడ్’ నిరసనల్లో భాగంగా బీజేపీ ప్రచార వాహనాన్ని ప్రజలు ధ్వంసం చేయలేదు, వీడియో పాతది

వైరల్ అవుతున్న వాదన ప్రజలను తప్పుదారి పట్టిస్తోంది. ఈ వీడియో ఇటీవలిది కాదు. కాంగ్రెస్ పార్టీ తలపెట్టిన ఓట్ చోరీ నిరసనలకు సంబంధించినది కాదు.

వైరల్ వీడియో నుండి కీఫ్రేమ్‌లను సంగ్రహించి, రివర్స్ ఇమేజ్ సెర్చ్ చేయగా, ఆ వీడియో పాతదని, 2024 సంవత్సరం నాటిదని తెలుస్తోంది. ఏప్రిల్ 17, 2024న డిజిటల్ భూమి అనే యూట్యూబ్ ఛానెల్ షేర్ చేసిన వీడియోకు సంబంధించిన పొడవైన వెర్షన్‌ను మేము కనుగొన్నాము. “सोनीपत के महमूदपुर में BJP प्रत्याशी मोहन लाल बडोली का प्रचार कर रहे पिकअप के लोगों ने फाड़े पोस्टर” అంటూ పోస్టు పెట్టారు. సోనిపట్‌లోని మహ్మద్‌పూర్‌లో, బీజేపీ అభ్యర్థి మోహన్ లాల్ బడోలి తరపున ప్రచారం చేస్తున్నప్పుడు పోస్టర్లలో ఒకదానిని ప్రజలు చించివేస్తున్నారని తెలిపారు.



ఎక్కువ నిడివి ఉన్న వీడియోకు సంబంధించిన ఎక్స్ పోస్టును కూడా మేము గుర్తించాం.

అసలైన వీడియోలో, ఓటు చోరి నిరసనలకు సంబంధించిన ఎటువంటి నినాదాన్ని వినలేదు. కాబట్టి ప్రేక్షకులను తప్పుదారి పట్టించడానికి ఆడియోను పాత వీడియోకు డిజిటల్‌గా జోడించారు.

కనుక, 2024 లోక్‌సభ ఎన్నికలకు సంబంధించిన పాత వీడియోలో “ఓటు చోర్, గడ్డి చోడ్” అనే నినాదం ఆడియోను డిజిటల్‌గా జోడించిన తర్వాత వైరల్‌గా షేర్ చేశారు. ఇటీవలి కాలంలో అలాంటి సంఘటన జరగలేదు. వైరల్ అవుతున్న వాదన ప్రజలను తప్పుదారి పట్టిస్తోంది.