మిస్ అయ్యామా? మిస్ చేసుకున్నామా?

గత ఐదేళ్లుగా దగ్గరగా చూసిన తర్వాత ఈ మూడు నెలల్లో ఎన్ని మిస్ అయ్యామో తెలిసింది. అదేమిటంటే..?

కరోనాతో కరాటే……

ఈ కష్ట కాలంలో మనం మిస్ అయిన ముఖ్యమైన కార్యక్రమం….. లాక్ డౌన్ మొదలైన రోజు నుంచి ప్రజల్ని అప్రమత్తం చేసే కార్యక్రమం. నవ నిర్మాణ దీక్ష స్పూర్తితో కరోనా పునర్నిర్మాణ దీక్ష. రోజుకో వినూత్న కార్యక్రమాలు. అన్ని జిల్లాల్లో ఏర్పాటు చేయడం, పార్ట్ శ్రేణులని, ఉద్యోగుల్ని భాగస్వామ్యుల్ని చేయడం.

కోవిడ్ మారథాన్…..

వారధి నుంచి బ్యారేజ్ వరకు నడక… మన ఉద్యోగ సంఘాలు, జర్నలిస్టు సంఘాల ఆధ్వర్యంలో ఈ కార్యక్రమం ఉంటుంది. జన సమీకరణ, నిధుల సమీకరణకు మన నాయకులు సహకరించాలి.

కోవిడ్ 19 డైమండ్ డే…..

ప్రతి ఛానల్ లో ఈ అరవై రోజులు మనం ఎలా పోరాడామో తెలిసేలా ప్రత్యేక కార్యక్రమాలు… కనీసం టాప్ 5 ఛానల్స్ కి కనీసం 25 లక్షలు ఇవ్వాలి. అది పెయిడ్ అని తెలీకుండా కవరింగ్ ఇవ్వడానికి తంటాలు ఉంటాయి.

స్పెషల్ సాంగ్స్…..

2కోట్ల బడ్జెట్ తో స్పెషల్ సాంగ్స్ ఉండాలి. దీనిని మన సమాచార శాఖ చేపట్టాలి. బిల్స్ ఏదొక ఖాతాలో అడ్జెస్ట్ చేయాలి.

ఇంటర్నేషనల్ బ్రాండింగ్…..

ప్రపంచం మొత్తమ్మీద కరోనా వారియర్ గా మన నాయకుడికి అంతర్జాతీయ బ్రాండింగ్ ఇవ్వాలి. ఇందుకోసం ఇంటి దగ్గర ఓ షూట్ ఏర్పాటు చేయాలి. గ్రీన్ మ్యాట్ స్టూడియో ఏర్పాటు చేసి అందులో మన నాయకుడు వైరాలజీ పరిశోధనల్లో సూచనలు ఇస్తున్నట్టు ఉండాలి. ఈ కష్ట కాలంలో పాత సినిమాలు చూడలేక చచ్చిపోతున్నాం అనే బాధలో కూడా ఇవన్నీ మిస్ అయ్యాం అనే ఆవేదన మమ్మల్ని కుదురుగా ఉండనివ్వడం లేదు.