Karthika Pournami : నేడు కార్తీక పౌర్ణమి

కార్తీకపౌర్ణమి రోజు ఆలయాల్లో దీపారాధన చేస్తారు. ప్రత్యేక పూజలు నిర్వహించనున్నారు. కార్తీక పౌర్ణమి, కార్తీక మాసం కావడంతో ఉదయం నుంచి శివాలయాలకు భక్తులు అధిక సంఖ్యలో తరలి వచ్చారు. 365 వత్తులతో దీపారాధన చేయడం ఈ కార్తీక పౌర్ణమి విశిష్టతగా చెబుతారు. కార్తీక పౌర్ణమి సందర్భంగా మహిళలు కేదారేశ్వర, గౌరీనోములు ఆచరిస్తారు. శివాలయాల్లో రుద్రాభిషేకాలు, మృత్యుంజయ హోమాలను నిర్వహిస్తారు. ఉసిరికాయలతో నేడు దీపాలు వెలిగిస్తే సకల దోషాలు తొలిగిపోతాయని భక్తులు విశ్వసిస్తారు. శివాలయాల్లో భక్తులు అధికంగా తరలి వస్తారని భావించి ప్రత్యేక ఏర్పాట్లు చేశారు.