Tirumala : తిరుమలకు నేడు వచ్చే వారికి గుడ్ న్యూస్

శుక్రవారం నుంచి మొదలయిన రద్దీ సోమవారం వరకూ తిరుమలలో కొనసాగింది. ప్రతి రోజూ ఎనభై వేల మందికి పైగా భక్తులు స్వామి వారిని దర్శించుకుని తమ మొక్కులు చెల్లించుకుంటున్నారు. అదే సమయంలో శ్రీవారి హుండీ ఆదాయం కూడా నాలుగు కోట్ల రూపాయలు రోజుకు లభిస్తుందని తిరుమల తిరుపతి దేవస్థానం అధికారులు తెలిపారు. మధ్యాహ్నానికి భక్తుల రద్దీ పెరిగే అవకాశముందన్న అంచనాలున్నాయి.

ఈరోజు తిరుమలలోని వైకుంఠం క్యూ కాంప్లెక్స్ లోని ఏడు కంపార్ట్ మెంట్లలోనే భక్తులు శ్రీవారి దర్శనం కోసం వేచి చూస్తున్నారు. సర్వదర్శనం క్యూ లైన్ లోకి ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం కేవలం ఆరు గంటల సమయం మాత్రమే పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు నుంచి నాలుగు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్వనం రెండు గంటల్లో పూర్తవుతుంది. నిన్న తిరుమల శ్రీవారిని 77,294 మంది భక్తులు దర్శించుకున్నారు. వీరిలో 26,796 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 4.75 కోట్లు వచ్చిందని అధికారులు తెలిపారు.