Tirumala : తిరుమలకు వెళ్లే వారు నేడు ఈ జాగ్రత్తలు పాటించాల్సిందే

తిరుమలకు వచ్చే భక్తులు సంఖ్య మరింతగా పెరుగుతుంది. రాను రాను తిరుమలకు రోజుకు అరవై వేల నుంచి ఎనభై వేల మందికి పైగానే భక్తులు తిరుమలకు చేరుకుంటున్నారు. తిరుమలకు వచ్చేభక్తులు గతంలో ఒక సీజన్ లోనో , ఒక వారంలోనో, పండగల సెలవులు, వారాంతపు సెలవుల్లో మాత్రమే వచ్చేవారని కానీ ఇప్పుడు ఎప్పుడు రావాలనుకుంటే అప్పుడు వచ్చేయడంతో తిరుమల నిత్యం భక్తులతో రద్దీగానే ఉంటుంది. తిరుమల శ్రీవారి హుండీ ఆదాయం ఎక్కువగానే వస్తుందని తిరుమల తిరుపతి దేవస్థానం అధికారులు తెలిపారు.

ఈరోజు తిరుమలలోని వైకుంఠం క్యూ కాంప్లెక్స్ లోని ముప్ఫయి ఒక్క కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. సర్వ దర్శనం క్యూ లైన్ లోకి ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు ఆరు నుంచి ఏడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుంది. నిన్న తిరుమల శ్రీవారిని 66,855 మంది భక్తులు దర్శించుకున్నారు. వీరిలో 26,690 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.82 కోట్లు వచ్చిందని అధికారులు తెలిపారు.