బాబాయ్ తో అక్రమ సంబంధం.. భర్తను హత్యచేసిన భార్య

జయరాం భార్యే భర్తను రోకలిబండతో కొట్టి చంపినట్లుగా అంగీకరించింది. భర్త రోజూ తాగి వచ్చి తనను కొట్టడం, వేధిస్తుండటంతో హత్య చేసినట్లుగా పోలీసులకు తెలిపింది. ఆమె చెప్పిన విషయాలను బట్టి కేసు నమోదు చేసి దర్యాప్తు చేసిన పోలీసులకు.. విస్తుపోయే నిజాలు తెలిశాయి. జయరాం భార్యకు వరుసకు బాబాయ్ అయ్యే వ్యక్తితో వివాహేతర సంబంధం ఏర్పడింది. ఫిబ్రవరి 26న జయరాం మద్యం సేవించి ఇంటికి వచ్చేసరికి భార్య, ఆమె బాబాయ్ ఇద్దరూ కలిసి ఉండటాన్ని చూశాడు. కోపంతో భార్యతో గొడవ పడ్డాడు. ఈ క్రమంలో ఆమె బాబాయ్ జయరాంను తన్నడంతో కిందపడిపోయాడు. ఆ వెంటనే ఆమె పక్కనే ఉన్న రోకలిబండ తీసుకుని భర్త తలపై కొట్టింది. జయరాం స్పృహ తప్పి పడిపోగా.. ఆ తర్వాత భర్త నోటిలో దుప్పటి కుక్కి ఊపిరాడకుండా చేసింది. జయరాం మరణించాడు. విచారణలో ఈ విషయాలన్నీ వెల్లడవ్వగా.. జయరాం భార్య, ఆమె బాబాయ్ ను మధిర కోర్టులో హాజరు పరిచి, రిమాండ్ కు తరలించారు పోలీసులు.