Bihar Murder Case : మేనమామ కోసం.. భర్తను హత్య చేసి.. కటకటాల్లోకి?

అయితే ఆమెకు ఈ పెళ్లి ఇష్టం లేకపోయినా పెద్దల ఒత్తిడితో పెళ్లికి అంగీకరించింది. అయితే ఆమె తన మేనమామ అయిన యాభై ఐదేళ్ల జీవన్ సింగ్ ను వివాహం చేసుకోవాలనుకున్నది. వీరిద్దరికి గత కొన్నేళ్లుగా ఉన్న అక్రమ సంబంధంతో ఆయనతోనే తన జీవితం కొనసాగించాలని గుంజా దేవి నిర్ణయించుకుంది. కానీ వాళ్లిద్దరి వివాహానికి ఇంట్లో పెద్దలు ఒప్పుకోలేదు. దీంతో పెద్దలు కుదిర్చిన పెళ్లి చేసుకుంది. ఇందుకోసం తాళి కట్టిన భర్తను లేపెయ్యాలని ప్లాన్ చేసింది. బలవంతపు పెళ్లి ఇష్టం లేని గుంజాదేవి తన మేనమామ తో కలసి మర్డర్ స్కెచ్ వేసింది.

గత నెల 25వ తేదీన ప్రియాంశు తన సోదరి ఇంటికి వెళ్లి తిరుగు ప్రయాణంలో రైలులో నగర స్టేషన్ కు చేరుకున్నాడు. తనను రైల్వే స్టేషన్ నుంచి పికప్ చేసుకోవాలని, ఎవరినైనా పంపాలంటూ గుంజాదేవికి అమాయకంగా ప్రియాంశు ఫోన్ చేశాడు. దీంతో గుంజాదేవి పథకం ప్రకారం రైల్వేస్టేషన్ నుంచి తీసుకు వస్తుండగా ప్రియాంశును ఇద్దరు కలసి కాల్చి చంపారు. హత్య చేసిన తర్వాత గుంజాదేవి గ్రామం నుంచి పారిపోయేందుకు ప్రయత్నించగా పోలీసులు పట్టుకున్నారు. కాల్ డేటా ప్రకారం మేనమామ జీవన్ సింగ్ కోసం గాలిస్తున్నారు. ఈ హత్యకు పాల్పడిన కిరాయిహంతకులతో పాటు గుంజాదేవిని అరెస్ట్ చేసి పోలీసులు విచారణ చేస్తున్నారు. కేసు నమోదు చేసి దర్యాప్తు చేస్తున్నారు. దేశంలో భార్యలే భర్తలను హతమార్చిన ఘటనలు వరసగా జరుగుతుండటం కలకలం రేపుతున్నాయి.