పుష్ప స్ఫూర్తితో నకిలీ మందుల రవాణా.. ముఠా అరెస్ట్
నల్గొండ జిల్లాకు చెందిన బీరెలి రాఘవరెడ్డి (55) అనే వ్యక్తి ప్రస్తుతం పెద్ద అంబర్ పేట్ లో నివాసం ఉంటున్నాడు. వీరిద్దరిని..
![29 Lakhs worth Unauthorized medicine smuggling, Taskforce 29 Lakhs worth Unauthorized medicine smuggling, Taskforce](https://www.telugupost.com/h-upload/2023/07/22/1523673-unauthorized-medicine.webp)
స్మగ్లింగ్ చేసే ముఠాలపై పుష్ప సినిమా ప్రభావం ఎంతలా ఉందో చెప్పేందుకు ఇటీవల జరుగుతున్న దందాలే కారణం. ఈ సినిమాలో హీరో గంధపు దుంగలను కొత్త పద్ధతిలో పోలీసుల కంటపడకుండా రవాణా చేసే పద్ధతి స్మగ్లర్లకు బాగా నచ్చింది. గాజుల మాటున గంజాయిని దాచిపెట్టడం.. అలాగే వాహనాల కింద రహస్యంగా బాక్సులను అమర్చి గంజాయిని తరలించడం.. కొబ్బరి బొండాల మాటున గంజాయి.. ఇలా రకరకాలుగా ఇతర రాష్ట్రాలకు తరలిస్తూ పోలీసుల చేతికి చిక్కారు. ఇదే విధంగా ఓ ముఠా కూడా సరికొత్త పద్ధతిలో వినూత్న రీతిలో పోలీసులకు ఏమాత్రం అనుమానం రాకుండా నకిలీ మందులను వస్త్రాల ప్యాకెట్ లో దాచిపెట్టి కొరియర్ ద్వారా వివిధ రాష్ట్రాలకు రవాణా చేస్తూ.. సౌత్ వెస్ట్ జోన్ టాస్క్ ఫోర్స్ పోలీసులకు చిక్కింది. ఇద్దరు నిందితులను అరెస్టు చేయగా మరో నలుగురు పరారయ్యారు. అరెస్ట్ అయిన నిందితుల వద్ద నుండి రూ.29 లక్షల విలువైన నకిలీ మందులను స్వాధీనం చేసుకున్నారు.