Sun Jan 25 2026 09:16:59 GMT+0000 (Coordinated Universal Time)
సోమాలియాలో ఉగ్రదాడి.. 32 మంది మృతి
సోమాలియాలో ఉగ్రదాడి జరిగింది. ఈ దాడిలో 32 మంది మరణించారు.
సోమాలియాలో ఉగ్రదాడి జరిగింది. ఈ దాడిలో 32 మంది మరణించారు. పర్యాటకులను టార్గెట్ గా చేసుకుని ఈ దాడి చేసిన ఉగ్రవాదులు పెద్ద సంఖ్యలో వారి మరణానికి కారణమయ్యారు. దాదాపు అరవై మందికి పైగా గాయాలపాలయ్యారు.వీకెండ్ కావడంతో సోమాలియా రాజధాని మొగదీసులోని ప్రముఖ లిడో బీచ్ లో టూరిస్టులు ఎక్కువ మంది వచ్చారు. ఆనందంగా గడుపుతున్నారు.
బీచ్ హోటల్ వద్ద...
అయితే ఊహించని విధంగా ఆత్మాహుతి దాడి జరిగింది. వీరు ఆల్ఖైదా గ్రూపునకు చెందిన అల్ షబాబ్ సంస్థకు చెందిన వారిగా గుర్తించారు. ఈ దాడిలో ఆరుగురు ఉగ్రవాదులు పాల్గొన్నారు. ఆత్మాహుతి దాడిలో ఒక ఉగ్రవాది చనిపోగా, ఐదుగురిని భద్రతాదళాలు పట్టుకున్నాయి. దాడికి పాల్పడింది తామేనని ఆల్ షబాబ్ సంస్థ ప్రకటించింది. క్షతగాత్రులను వెంటనే ఆసుపత్రికి తరలించి చికిత్స అందిస్తున్నారు. గాయపడిన వారిలో కొందరి పరిస్థితి విషమంగా ఉంది.
Next Story