ఆ మాజీ రంజీ ప్లేయర్.. మళ్లీ అరెస్ట్

తెలంగాణ ముఖ్యమంత్రి ఎ.రేవంత్ రెడ్డి వ్యక్తిగత కార్యదర్శిగా, ఆఫీసర్ ఆన్ స్పెషల్ డ్యూటీగా నటిస్తూ వ్యాపారవేత్తల నుండి డబ్బు డిమాండ్ చేసిన ఆంధ్రప్రదేశ్‌కు చెందిన మాజీ రంజీ క్రికెటర్ బుడుమూరు నాగరాజును హైదరాబాద్ పోలీసులు అరెస్టు చేశారు. శ్రీకాకుళం జిల్లాకు చెందిన 32 ఏళ్ల నాగరాజు నకిలీ ఇమెయిల్ ఐడీలు, వాట్సాప్ ఖాతాలను ఉపయోగించి బొల్లినేని ఇన్‌ఫ్రా ప్రాజెక్ట్స్ ఎండి కృష్ణ మోహన్ బొల్లినేని, రాపిడో ఎండి అరవింద్ సంకా, గుప్తా రియాల్టీ చైర్మన్ శ్రీనివాస్ గుప్తా వంటి ప్రముఖ వ్యాపారవేత్తలను సంప్రదించి డబ్బు వసూలు చేశాడు.

మాజీ రంజీ ప్లేయర్ నాగరాజుపై ఇప్పటి వరకు 20 కేసులు ఉన్నట్లు పోలీసులు తెలిపారు. ముఖ్యమంత్రి OSD పేరుతో నాగరాజు నకిలీ ఇమెయిల్ ఐడిని సృష్టించి, వ్యాపారవేత్తలు, పారిశ్రామికవేత్తలను డబ్బులు కోరుతూ మోసపూరిత ఈమెయిల్‌లను పంపాడని సైబర్ క్రైమ్ అధికారులు తెలిపారు.