చిందిన రక్తం.. రోడ్డుపై కత్తులు, కొడవళ్లతో భీభత్సం

భువనేశ్వర్‌లోని పండారా ప్రాంతానికి చెందిన ఎనిమిది మంది వ్యక్తులు మంగళవారం రాత్రి జగ్ మారా వద్ద ఒక ఫుడ్ స్టాల్‌కి వచ్చారు. ఇంతలో ఓ గుంపు అకస్మాత్తుగా వారిపై దాడి చేసింది. దారిన వెళ్లేవారిని కూడా ఈ వ్యక్తులు వదిలిపెట్టలేదు. రోడ్డుపై వెళుతున్న వాహనాలపై దాడికి తెగబడ్డారు. పలు వాహనాలు ధ్వంసం అయ్యాయి. సమాచారం అందుకున్న పోలీసులు సంఘటనా స్థలానికి చేరుకుని ఐదుగురిని అదుపులోకి తీసుకున్నారు. మిగిలిన వ్యక్తులు అక్కడి నుంచి పారిపోయారు. ఈ ఘటనపై పోలీసులు విచారణ చేపట్టారు. పాత కక్షల కారణంగానే ఈ ఘర్షణ జరిగి ఉండొచ్చని అనుమానిస్తున్నారు. బారాముండా ప్రాంతంలో జరిగిన దోపిడీ కేసులో ఈ దుండగుల గుంపు ప్రమేయం ఉందని అనుమానిస్తూ ఉన్నారు.