పల్నాడు జంట హత్య కేసులో అసలు మిస్టరీ ఇదేనా..? పది లక్షలు జమ చేసిందెవరు?

ఈ కేసులో నిందితులుగా ఉన్న నాగరాజును వెంకటేశ్వర్లును గుంటూరు పోలీసులు అదుపులోకి తీసుకున్నట్లు సమాచారం. అయితే హత్యకు ఎవరు ప్రేరేపించారు? ఎవరికి వీరు సాయం చేశారు? హత్యకు గురైన వారి విషయంలో నిందితులకు ఉన్న గొడవలు ఏంటి? ఏ విషయం హత్యకు దారి తీసింది? అసలు నిందితుల వెనక ఉండి నడిపించెందెవరు? అన్న దానిపై పోలీసులు లోతుగా దర్యాప్తు చేస్తున్నారు. అసలు సూత్రధారుల కోసం పోలీసులు విచారణ చేస్తున్నారు. ముఖ్యమంత్రి చంద్రబాబు నాయుడు కూడా ఈ హత్యలను సీరియస్ గా తీసుకుని విచారణ చేయాల్సిందిగా అధికారులను ఆదేశించడంతో వేగంగా దర్యాప్తు చేస్తున్నారు.

తాజాగా అందుతున్న సమాచారం మేరకు నిందితుడి బ్యాంకు ఖాతాలో పది లక్షల రూపాయలు హత్య జరగడానికి ముందు జమ అయినట్లు పోలీసులు గుర్తించారు. నిందితుడు ఖాతాలో ఇంత పెద్ద మొత్తం ఎవరు జమ చేశారన్న దానిపై ఆరా తీస్తున్నారు. ఏ అకౌంట్ నుంచి ఈ డబ్బులు విడతల వారీగా పడ్డాయన్న దానిపై కూడా పోలీసులు బ్యాంకు అధికారులను సంప్రదించి ఆరా తీస్తున్నారు. టీడీపీ నేతలను చంపడానికి టీడీపీ నాయకులకే ఉపయోగించడం వెనక ఉన్న కారణాలేంటి? అని అన్ని కోణాల్లో పోలీసులు దర్యాప్తు చేస్తున్నారు. పిన్నెల్లి సోదరుల పాత్ర ఎంత ఉన్నదానిపై కూపీ లాగుతున్నారు. అదే జరిగితే పిన్నెల్లి సోదరులను కూడా అరెస్ట్ చేసి విచారణ చేసే అవకాశముందని తెలిసింది.