Hyderabad : తల్లిని తాను ఇక చూసుకోలేని యువతి బలవన్మరణం

రెండు రోజుల క్రితం హుస్సేన్ సాగర్ లో దూకి ఆత్మహత్య చేసుకున్న యువతిని పోలీసులు గుర్తించారు. . లేక్ ఇన్స్పెక్టర్ ఆర్. వెంకటేశ్వర్లు వివరాల ప్రకారం.. ఆదిలాబాద్ బైంసాకు చెందిన విజయలక్ష్మి అని పోలీసులు తెలిపారు. విజయలక్ష్మి తన తండ్రి చనిపోవడంతో తల్లితో కలిసి కూకట్ పల్లిలోని మోతి నగర్ లో అద్దె ఇంట్లో నివాసం ఉంటోంది. ఓ ప్రైవేట్ కంపెనీలో సాఫ్ట్‌వేర్ ఉద్యోగం చేస్తూ నెలకు లక్ష రూపాయల వేతనం సంపాదస్తుంది. తనకు వచ్చే సంపాదనతో తల్లిని బాగా పోషించుకోవాలని విజయలక్ష్మి ఆలోచన.

తల్లి పూర్తిగా అనారోగ్యంతో ఉండడంతో ఆమె బాగోగులు చూసుకుంటోంది. అయితే ఆమె బంధువులు విజయలక్ష్మికి పెళ్లి సంబంధాలు చూస్తున్నారు. దీంతో 'తాను పెండ్లి చేసుకుని వెళ్లిపోతే తల్లికి చాలా ఇబ్బంది అవుతుందన్న ఆలోచనతో ఆమె అనేకసార్లు మదన పడేదని బాధిత కుటుంబసభ్యులు తెలిపారు. దీంతో ఏం చేయాలో తెలియక తన గూగుల్ లో వెదికింది. జనవరి 31న రాపిడో టూ వీలర్ బుక్ చేసుకుని మధ్యాహ్నం 12:30 గంటలకు ట్యాంక్ బండ్ చేరుకుని అన్నమయ్య విగ్రహం వద్ద హుస్సేన్ సాగర్ లో దూకి బలవన్మరణానికి పాల్పడింది. తల్లి అనారోగ్యం, పెండ్లి సంబంధాలు మానసిక బాధతో విజయలక్ష్మి ఆత్మహత్య చేసుకున్నట్లు పోలీసులు తెలిపారు.