డ్రగ్స్ తో దొరికి పోయిన యువ వైద్యురాలు

ఆమెతో పాటు డ్రగ్స్ తీసుకు వచ్చిన నిందితుడు కూడా పోలీసులకు దొరికిపోయాడు. యువ వైద్యురాలు తరచూ థానే వెళ్లేవారని, అక్కడ ఒక పబ్ లో డీజే పరిచయం కావడంతో అతని ద్వారా డ్రగ్స్ సరఫరా చేసే వంశీ ఠక్కర్ తో పరిచయం పెంచుకుని తెప్పించుకోవడం ప్రారంభించింది. గత ఏడాదిగా గుట్టు చప్పుడు కాకుండా ఈ వ్యవహారం సాగుతుంది. తాజాగా వంశీ అనుచరుడు బాలకృష్ణ రామ్ ప్యార్ ద్వారా నగరానికి పంపడంతో అందిన సమాచారం మేరకు పోలీసులు వల వేసి పట్టుకున్నారు. అతని వద్ద నుంచి యాభై మూడు గ్రాముల కొకైన్, రెండు ఫోన్లు, పదివేల నగదును స్వాధీనం చేసుకున్నారు. దీనిపై కేసు నమోదు చేసిన పోలీసులు దర్యాప్తు చేస్తున్నారు.