Murder Case Kukatpally : కూకట్ పల్లి బాలిక హత్య కేసును ఛేదించిన పోలీసులు

360 డిగ్రీస్ లో విచారించిన పోలీసులు సాంకేతిక ఆధారాలను సేకరిస్తున్నారు. బాలుడు దొంగతనానికి వచ్చిన సమయంలో బాలిక వంటగదిలో ఉన్నాడు. అయితే నేరుగా హుండీ వద్దకు వెళ్లిన బాలుడిని గమనించిన బాలిక కేకలు వేయడంతో హత్య చేశాడని అనుమానిస్తున్నారు. వచ్చీ రాని ఇంగ్లీషులో బాలుడు బుక్ లో రాసుకున్నాడని తెలిసింది. తెలిసిన వ్యక్తుల పనేనని తొలి నుంచి పోలీసులు అనుమానిస్తున్నారు. ఆనుకుని భవనం పై నుంచి బాలుడు రావడాన్ని సీసీటీవీ ఫుటేజీలో కూడా గమనించారు. హత్య జరిగిన తర్వాత బాలుడు అన్యమనస్కంగా ఉండటం ఆ భవనంలో ఉన్న సాఫ్ట్ వేర్ ఇంజినీర్ గమనించాడని కూడా పోలీసులు అంటున్నారు.

తొలుత బాలికపై కూర్చుని గొంతు నులిమాడని తెలిసింది. తర్వాత తాను తీసుకు వచ్చిన కత్తితో బాలికను కిరాతకంగా హత్య చేశాడని పోలీసులు అనుమానిస్తున్నారు. ఆ భవనంలో ఉన్న అందరినీ విచారించినా, ఫింగర్ ప్రింట్ సేకరించినప్పటికీ దేనికి సరిపోకపోవడంతో మిగిలిన ప్రాంతంలో ఉన్న సీసీటీవీ ఫుటేజీని కూడా పోలీసులు పరిశీలించారు. బాలుడు చదవుకుంటున్న స్కూల్ కు వెళ్లి విచారించిన పోలీసులు, అతని ఇంటికి వెళ్లి కత్తి, లేఖను, రక్తంతో ఉన్న దుస్తులను కూడా పోలీసులు స్వాధీనం చేసుకున్నట్లు తెలియవచ్చింది. కేవలం దొంగతనానికి వచ్చి కేకలు వేయడంతో బయటకు వస్తుందేమోనని భావించి బాలుడే హత్యకు పాల్పడినట్లు నిర్ధారణకు వచ్చారు. అయితే దీనిపై పోలీసులు అధికారికంగా ప్రకటించాల్సి ఉంది. ఇంకా బాలుడిని పోలీసులు విచారిస్తున్నారు. విచారణ ముగిసిన తర్వాత కానీ అధికారికంగా ప్రకటించరు.