Veraiah Chodhary Murder Case : వీరయ్య చౌదరి హత్య కేసులో అసలు నిందితుడి కోసం కొనసాగుతున్న వేట

ప్రకాశం జిల్లా తెలుగుదేశం పార్టీ నేత వీరయ్య చౌదరి హత్య కేసులో పోలీసులు కీలకమైన సమాచారాన్ని సేకరించారు. కీలక నిందితుడి కోసం వేట కొనసాగుతుంది. అత్యంత సినిమా ఫక్కీలో జరిగిన ఈ హత్య కేసును పోలీసులు అన్ని రకాల ఆధారాలను సేకరించి తప్పించుకు తిరుగుతున్న నిందితులను పట్టుకున్నారు.ఈ ఏడాది ఏప్రిల్ 24వ తేదీన ఒంగోలులోని వీరయ్య చౌదరి కార్యాలయంలో ఈ హత్య జరిగింది. ఈ కేసులో ఇప్పటికే కొందరిని పోలీసులు అదుపులోకి తీసుకున్నారు. అయితే ఈ హత్య కేసులో ప్రధాన నిందితుడైన ముప్పా సురేష్ కోసం పోలీసులు చాలా రోజులు గాలించారు. అతనిని అదుపులోకి తీసుకునే ప్రయత్నాలు విఫలమయ్యాయి. దీంతో ఈ కేసులో నలుగురు నిందితులను అదుపులోకి తీసుకుని హత్యకు దారి తీసిన పరిస్థితులు అడిగి తెలుసుకుంటున్నారు.