భార్యను హత్య చేసి పాత్రలో పెట్టి ఉడికించేసిన భర్త..!

ఓ వ్యక్తి తన భార్యను చంపి.. ఆమె శరీర భాగాన్ని ఉడకబెట్టాడు. అది కూడా పిల్లల కళ్ళముందే ఈ ఘోరం చోటు చేసుకుంది. ఈ ఘటన పాకిస్థాన్ లో చోటు చేసుకుంది. మృతురాలి శరీరం నుండి ఒక కాలును వేరు చేసి.. ఆపై తన ఆరుగురు పిల్లల ముందు పెద్ద మెటల్ బాయిలర్ లో ఉడకబెట్టాడు. పాకిస్థాన్‌లోని సింధ్ ప్రావిన్స్‌లోని గుల్షన్-ఎ-ఇక్బాల్ ప్రాంతంలోని ఓ ప్రైవేట్ స్కూల్‌లో ఈ దారుణ ఘటన చోటుచేసుకుంది. మీడియా నివేదికల ప్రకారం, మృతురాలిని నర్గీస్‌గా గుర్తించారు. అక్రమ సంబంధాల కారణంగా ఈ హత్య చేసినట్లు ఆరోపణలు ఉన్నాయి. ఈ దారుణమైన చర్యకు ప్రత్యక్ష సాక్షి అయిన నర్గీస్ 15 ఏళ్ల కుమార్తె స్థానిక పోలీసులకు ఫోన్ చేసి ఈ ఘటన గురించి తెలియజేయడంతో ఈ ఘటన వెలుగులోకి వచ్చింది. ఈ దారుణ ఘటన తర్వాత తన తండ్రి ఆషిక్ తన ముగ్గురు తోబుట్టువులతో పారిపోయాడని ఆమె పోలీసులకు తెలిపింది.