విజయనగరం బాంబు పేలుళ్ల కేసుల్లో వేగం పెంచిన ఎన్ఐఏ

విజయనగరం బాంబు పేలుళ్ల కుట్ర కేసులో ఎన్ఐఏ దర్యాప్తులో వేగం పెంచింది. ఉగ్రవాద మూలాలున్న సమీర్, సిరాజ్ లను ఢిల్లీకి తరలించి విచారించేందుకు ఎన్ఐఏ అధికారులు సిద్ధమవుతున్నారని సమాచారం. మే 16వ తేదీన విజయనగరం పోలీసులు కేసు నమోదు చేసి దర్యాప్తు చేశారు. సిరాజ్, సమీర్ లను అదుపులోకి తీసుకుని ప్రశ్నించారు. న్యాయస్థానం అనుమతితో కస్టడీలోకి తీసుకుని వారికి సహకరించిన వారి గురించి కూడా ఆరా తీసింది. దేశ వ్యాప్తంగా వీరి నెట్ వర్క్ ఉన్నట్లు విచారణలో బయటపడింది. ఈ విచారణలో ఎన్ఐఏ అధికారులు కూడా పాల్గొన్నారు. హైదరాబాద్, వరంగల్, విజయనగరం, బెంగళూరు నగరాల్లో బాంబు పేలుళ్లకు పాల్పడాలని కుట్ర చేసినట్లు విచారణలో వెల్లడయింది. విదేశాల నుంచి నిధులు వీరికి అందినట్లు కూడా దర్యాప్తులో వెల్లడి కావడంతో ఈ కేసును ఎన్ఐఏ కు అప్పగించాలని కేంద్ర హోంశాఖ ఉత్తర్వులు జారీ చేసింది.