Vijayawada : నాగవైష్ణవి సోదరులు పోలీస్ కమిషనర్ ఎదుటకు? ప్రాణహాని ఉందంటూ?

విజయవాడ నాగవైష్ణవి హత్య కేసులో నిందితుల నుంచి తమకు ప్రాణహాని ఉందని పలగాని ప్రభాకర్ రావు కుమారుడు విజయవాడ పోలీస్ కమిషనర్ ను కోరారు. తమకు రక్షణ కల్పించాలని అతను కోరుతున్నారు. తమ ప్రాణాలకు కూడా ముప్పు పొంచి ఉందని ఆందోళన వ్యక్తం చేస్తున్నారు. దాదాపు పదిహేనేళ్ల క్రితం జరిగిన చిన్నారి నాగవైష్ణవి హత్య కేసు నాడు ఉమ్మడి ఆంధ్రప్రదేశ్ లో సంచలనం సృష్టించింది. అయితే ఈ హత్య కేసులో నిందితుడు పంది వెంకటావుకు జీవిత ఖైదును హైకోర్టు రద్దు చేయడంతో ఆ కుటుంబానికి చెందిన వారు భయాందోళనలో ఉన్నారు. చిన్నారి నాగవైష్ణవి కిడ్నాప్ తో పాటు దారుణంగా హత్య చేయడం సంచలనంగా మారిన ఈ కేసులో అప్పట్లో ముగ్గురు నిందితులకు విజయవాడ మహిళ సెషన్స్ కోర్టు యావజ్జీవ శిక్ష విధించింది.