Murder Case : యువకుడి దారుణ హత్య వెనక ఇంత స్కెచ్ వేశారా?

ఇంజినీరింగ్ చదువుతున్న శ్రావణసాయితో పాటు మరో యువతి గత కొంత కాలంగా ప్రేమించుకుంటున్నారు. వీరిద్దరూ స్కూల్ డేస్ నుంచి ప్రేమలో ఉన్నట్లు శ్రావణ సాయి స్నేహితులు చెబుతున్నారు. అయితే వీరి ప్రేమకు యువతి తరుపున కుటుంబీకులు అభ్యంతరం తెలిపారు. గత కొంతకాలంగా యువతిని శ్రావణసాయితో కలవకుండా ఆమెను నిర్బంధించినట్లు పోలీసులు గుర్తించారు. అయితే యువతి శ్రావణ సాయినే వివాహం చేసుకుంటానని గట్టిగా చెప్పడంతో యువతి బంధువులు స్కెచ్ వేశారు. శ్రావణసాయిని లేపేయాలని భావించారు. ఇందుకోసం పెళ్లి విషయం మాట్లాడుదాం అంటూ శ్రావణసాయిని రావాలని యువతి కుటుంబీకులు పిలిచారు.

ఇంటికి వచ్చిన శ్రావణసాయిని బ్యాట్ తోనూ, కత్తులతోనూ దాడి చేశారు. దీంతో తీవ్రంగా గాయపడిన శ్రావణసాయిని వారే ఒక ప్రయివేటు ఆసుపత్రిలో చేర్పించి పరారయ్యారు. వీరిద్దరి ప్రేమ అంటే గిట్టని యువతి కుటుంబీకులు ఈ హత్యకు పాల్పడ్డారని పోలీసులు తెలిపారు. ఆసుపత్రికి తీసుకు వచ్చేలోపే శ్రావణ సాయి మరణించారని వైద్యులు తెలిపారు. యువతి బంధువులు శ్రావణసాయిని దారుణంగా హత్యచేయడంపై పోలీసులు కేసును నమోదు చేసి దర్యాప్తు చేపట్టారు. ఈ కలకలం రేపిన హత్యతో అమీన్‌పూర్ ప్రాంతంలో తీవ్ర ఆవేదన నెలకొంది. నిందితులలో కొందరిని అదుపులోకి తీసుకుని విచారిస్తున్నారు. మొత్తం మీద ప్రేమ వ్యవహారం యువకుడు ప్రాణం మీదకు వచ్చింది.