Kukatpally Murder Case : కూకట్ పల్లి మర్డర్ కేసులో ట్విస్ట్.. ఇద్దరు కాదట.. ముగ్గురు?

అయితే ఈ మొత్తం కేసులో ఒక క్యాబ్ డ్రైవర్ ఇచ్చిన సమాచారం కీలకంగా మారింది. అతను ఇచ్చిన సమాచారంతోనే కేసును త్వరగా పోలీసులు ఛేదించి నిందితులను అదుపులోకి తీసుకున్నారు. నిందితులు హర్ష, రోషన్ లు నిందితులని సోషల్ మీడియాలో గుర్తించిన క్యాబ్ డ్రైవర్ వెంటనే పోలీసులకు సమాచారం అందించాడు. హైదరాబాద్ లోని కొండాపూర్ నుంచి నిందితులిద్దరూ రాంచీకి క్యాబ్ ను బుక్ చేసుకున్నారు. రాంచీలో వీరిని డ్రాప్ చేసి వస్తున్న సమయంలో సోషల్ మీడియాలో చూసిన క్యాబ్ డ్రైవర్ పోలీసులకు సమాచారం అందించడంతో వెంటనే పోలీసులు రాంచీకి వెళ్లి అక్కడ నిందితులను అదుపులోకి తీసుకున్నారు.రేణు అగర్వాల్ మర్డర్ కేసులో ఇంకా ఎవరెవరి ప్రమేయం ఉందన్న దానిపై దర్యాప్తు చేస్తున్నారు.

కూకట్ పల్లిలోని స్వాన్ లేక్ అపార్ట్ మెంట్ లో ఉంటున్న రేణు అగర్వాల్ హత్యకు గురయిన సంగతి తెలిసిందే. ఈ హత్యను అదే అపార్ట్ మెంట్ లో పనిచేస్తున్న రోషన్ తో కలిసి రేణు అగర్వాల్ ఇంట్లో వంటమనిషిగా పనిచేస్తున్నహర్ష కలసి చేశారు. హత్యను ముందుగానే ప్లాన్ చేసి వారు తమ సొంత ప్రాంతానికి వెళ్లేందుకు అవసరమైన రూట్ మ్యాప్ ను కూడా సిద్ధం చేసుకున్నారు. యజమానికి చెందిన స్కూటీపై అపార్ట్ మెంట్ నుంచి బయటకు వెళ్లి అక్కడి నుంచి కొండాపూర్ వెళ్లి అక్కడ క్యాబ్ ను మాట్లాడుకుని వెళ్లిపోయినట్లు పోలీసులు విచారణలో వెల్లడయింది. అయితే రేణు అగర్వాల్ ను హత్య చేసిన తర్వాత ఆ విషయం బయటకు వచ్చేందుకు మూడు నుంచి నాలుగు గంటల సమయం పట్టడంతో నిందితులు రాష్ట్ర సరిహద్దులు దాటి వెళ్లిపోయారు. పోలీసులు వారిద్దరినీ అదుపులోకి తీసుకుని హైదరాబాద్ కు తీసుకు వచ్చిన తర్వాత అసలు విషయం వెల్లడవుతుంది.