తాంత్రికుడిగా నమ్మిస్తూ బాలికపై అత్యాచారం.. బాలిక తల్లి కూడా అరెస్ట్

తాంత్రికుడిలా నటిస్తూ 50 ఏళ్ల వ్యక్తి మైనర్ బాలికపై అత్యాచారానికి పాల్పడ్డాడు. నార్త్ గోవాలో ఈ ఘటన చోటు చేసుకుంది. మైనర్ బాలికపై అత్యాచారానికి పాల్పడ్డాడనే ఆరోపణలతో ఆ వ్యక్తిని బుధవారం నాడు పోలీసులు అరెస్టు చేశారు. నిందితుడితో కలిసిపోయి ఈ దారుణానికి సహాయం చేసిన బాధితురాలి తల్లిని కూడా అరెస్టు చేసినట్లు పోలీసులు తెలిపారు. నిందితుడు 14 ఏళ్ల బాధిత బాలికను సోమవారం తన నివాసానికి పిలిపించి, ఆమె కోరికలన్నీ తీరుస్తాననే నెపంతో అత్యాచారం చేశాడని పోలీసు అధికారి వెల్లడించారు.