కాచిగూడలో భారీ దోపిడీ.. మత్తు మందిచ్చి.. పనివాళ్లే నిందితులు

హైదరాబాద్ కాచిగూడలో భారీ దొంగతనం జరిగింది. వ్యాపారవేత్త ఇంట్లో నగదు, బంగారాన్ని ఎత్తుకెళ్లారు. ఇంటి పనివాళ్లే ఈ దోపిడీకి పాల్పడినట్లు సమాచారం. రాత్రి భోజనంలో మత్తు మందు కలిపి మత్తులోకి వెళ్లిన తర్వాత ఇంట్లో దోపిడీ చేసి పరారయినట్లు పోలీసులు కనుగొన్నారు. కాచిగూడలో నివాసముంటన్న వ్యాపారవేత్త హేమరాజు ఇంట్లో కేజీ బంగారం, 70లక్షల నగదు ఎత్తుకెళ్లారు. ఇంట్లో ఉండే పని మనుషులు హేమరాజు దంపతులకు రాత్రి భోజనంలో మత్తుమందు కలిపి పెట్టారు. అది తిన్న దంపతులిద్దరు అపస్మారక స్థితిలోకి వెళ్లిపోయారు. సృహ కోల్పోయిన వెంటనే ఇంట్లో ఉన్నబంగారు ఆభరణాలు,నగదును ఎత్తుకెళ్లారు.