Junior doctor: జూనియర్ డాక్టర్ విధులకు వెళుతుండగా.. ఆసుపత్రి లిఫ్ట్‌లో

జార్ఖండ్‌లోని రాంచీలోని రాజేంద్ర ఇన్‌స్టిట్యూట్ ఆఫ్ మెడికల్ సైన్సెస్ (రిమ్స్)లో ఆంకాలజీ విభాగానికి చెందిన జూనియర్ రెసిడెంట్ డాక్టర్ విధులకు వెళుతుండగా ఆసుపత్రి లిఫ్ట్‌లో వేధింపులు ఎదురయ్యాయి. ఈ ఘటనపై పోలీసులు ఎఫ్‌ఐఆర్ నమోదు చేసి నిందితుడిని అరెస్టు చేశారు. ఈ ఘటనతో వైద్యులు పెన్ డౌన్ సమ్మెను ప్రకటించారు. జూనియర్ డాక్టర్స్ అసోసియేషన్ (జేడీఏ), రిమ్స్ యాజమాన్యం మధ్య చర్చల అనంతరం వైద్యులకు భద్రత పెంచుతామని యాజమాన్యం హామీ ఇవ్వడంతో సమ్మె విరమించారు. ప్రతి లిఫ్టుకు లిఫ్ట్ ఆపరేటర్లను నియమించాలని, ప్రతి వార్డులో సాయుధ పోలీసు అధికారులను నియమించాలని డిమాండ్ చేశారు.