Murder : కసాయి భార్య.. కుమారుడి కళ్ల ముందే కిరాయి హంతకులతో భర్తను కడతేర్చి

తొమ్మిదేళ్ల కుమారుడే ఈ హత్య కేసులో ప్రత్యక్ష సాక్షిగా మారాడు. తన తల్లి తండ్రిని హత్య చేయించిందని ఆ బాలుడు పోలీసులకు ఇచ్చిన ఫిర్యాదులో పేర్కొనడం సంచలనంగా మారింది. ఆలస్యంగా వెలుగులోకి వచ్చినప్పటికీ ఈఘటన సభ్య సమాజాన్ని ఇబ్బందిపెట్టేలా ఉంది. ఆల్వార్ లోని మాన్ సింగ్ జాదవ్, అనితి ఇద్రదూ భార్య భర్తలు. వీరిద్దరూ ఖెర్లీ ప్రాంతంలో నివాసముంటున్నారు. వీరికి తొమ్మిదేళ్ల కుమారుడు కూడా ఉన్నాడు. అయితే అనితికి కచోరీలను విక్రయించే కాశీరామ్ తో వివాహేతర సంబంధం ఏర్పడింది. అది బలంగా మారింది. తమ బంధానికి భర్త మాన్ సింగ్ జాదవ్ అడ్డువస్తున్నాడని భావించి హత్యకు పథక రచన చేసింది.

అనితి, కాశీరామ్ లు కలసి మాన్ సింగ్ జాదవ్ హత్యకు ప్లాన్ చేశారు. అర్ధరాత్రి అనితి ఇంటికి ముగ్గురు కిరాయి హంతకులను తీసుకుని కాశీరామ్ వచ్చాడు. అప్పటికే మానసింగ్ జాదవ్ నిద్రపోతుండగా ముఖంపై దిండుపెట్టి ఊపిరి ఆపేశారు. మాన్ సింగ్ కదలకుండా నలుగురు పట్టుకున్నారు. ఇదంతా మేలుకుని చూస్తున్న బాలుడు అది గమనించి నిద్రపోతున్నట్లు నటించాడు. తర్వాత మానసింగ్ జాదవ్ మంచం మీద నుంచి పడి చనిపోయినట్లు చుట్టుపక్కల వారికి తెలిపింది. అయితే అనుమానం వచ్చిన కొందరు పోలీసులకు ఫిర్యాదు చేశారు. దీంతో పోలీసులు వచ్చి విచారణ చేస్తుండగా బాలుడు చెప్పిన మాటలు విని ఆశ్చర్యపోయారు. తన తండ్రిని తల్లి చంపించిందని చెప్పడంతో ఆమెను అదుపులోకి తీసుకున్నారు. ఈ హత్యలో పాల్గొన్న వారిని కూడా అరెస్ట్ చేశారు.