కామాంధుల బారి నుండి బాలికను కాపాడిన హిజ్రా

హయత్ నగర్లో బాలిక కిడ్నాప్ కలకలం సృష్టించింది. బాలికను ఔటర్ రింగ్ రోడ్డు సమీపంలోకి తీసుకెళ్లి అత్యాచారయత్నం చేశారు. అయితే ఆ బాలిక దుండగుల నుంచి ఎలాగోలా తప్పించుకుంది. రోడ్డు మీదకి వచ్చి తనను కాపాడే వారి కోసం ఏడుస్తూ సహయం కోసం అర్ధించింది. అయితే అటుగా వెళుతున్న ఓ హిజ్రా బాలికను చూసింది. వెంటనే పోలీసులకు సమాచారం ఇచ్చింది. కేసు నమోదు చేసుకున్న పోలీసులు బాలికను ఆసుపత్రిలో చేర్చారు. ఆ బాలికను ఎక్కడి నుండి తీసుకుని వచ్చారనే విషయంపై పోలీసులు ఆరా తీస్తున్నారు. నిందితుల కోసం పోలీసులు సెర్చ్ ఆపరేషన్ మొదలుపెట్టారు.