Hyderabad : వీడిని పట్టుకోకుంటే.. పెను ప్రమాదమే జరిగేది.. ప్రాణలు గాలిలో కలిసిపోయేవి

గుజరాత్ యాంటీ టెర్రరిస్ట్ స్క్కాడ్ దర్యాప్తులో ఆశ్చర్యకరరమైన విషయాలు బయటపడుతున్నాయి. హైదరాబాద్‌కు చెందిన వైద్యుడు అహ్మద్‌ మొహియుద్దీన్‌ సయ్యద్‌తో పాటు ముగ్గురు అరెస్టయిన కేసులో రెసిన్‌ ఆధారిత దాడి ప్రణాళిక ఉన్నట్టుగా అధికారులు అనుమానిస్తున్నారు. లక్నోలోని ఒక ఆర్‌ఎస్‌ఎస్‌ కార్యాలయం వద్ద, ఢిల్లీలోని రెండు పెద్ద మార్కెట్‌ ప్రాంతాల వద్ద ఈ ముగ్గురు రెక్కీ నిర్వహించినట్లు అధికారుల దర్యాప్తులో వెల్లడయింది. వారి కదలికలన్నీ దర్యాప్తులో భాగంగా పరిశీలిస్తున్నారు. చైనాలో ఎంబీబీఎస్‌ చేసిన సయ్యద్‌ ఎఫ్‌ఎమ్‌జీఈ పరీక్షలో విఫలమయ్యాడు. హఫీజ్‌పేట్‌లోని ఒక షావర్మ కేంద్రంలో పని చేశాడు. అతని వద్ద నుంచి పలు వస్తువులు స్వాధీనం చేశామని అధికారులు తెలిపారు. అరెస్టు అయ్యే కొద్ది రోజుల ముందు ఇంటికి తీసుకొచ్చిన ఆయిల్‌ ప్రెస్‌ యంత్రం కూడా అందులో ఉంది.