Kukatpally Murder : కుక్కర్ తో తలపై మోదీ మహిళను హత్య చేసి.. స్నానం చేసి.. నింపాదిగా వెళ్లి?

స్వాన్ లేక్ గేటెడ్ కమ్యునిటీలో రాకేశ్ అగర్వాల్, రేణు అగర్వాల్ లు ఉంటున్నారు. వీరికి ఒక కుమారుడున్నారు. అయితే ఇదే గేటెడ్ కమ్యునిటీలో తమ బంధువుల ఇంట్లో పనిచేస్తున్న జార్ఖండ్ కు చెందిన రోషన్ అనేక యువకుడికి తెలిసిన రోషన్ తో తమకు వంట మనిషి ని చూసి పెట్టమని చెప్పారు. తమ ప్రాంతానికి చెందిన హర్ష్ ను రోషన్ పంపడంతో అతను పనికి కుదిరాడు. వంట చేస్తూ ఇంట్లో పరిసరాలను గమనించేవాడు. యజమాని ఇంట్లో లేని సమయంతో పాటు, వారికి ఉన్న బంగారం, నగదు విషయంలో పదిరోజుల్లోనే ఒక అవగాహన తెచ్చుకున్న హర్ష వాటిని కాజేయాలని నిర్ణయించుకున్నాడు. అయితే అందుకు తన మరో స్నేహితుడి సాయాన్ని కోరాడు.

తన యజమాని దుకాణానికి వెళతారని, రేణు ఒక్కరే ఉంటారని ప్లాన్ చేశఆరు.అయితే నిన్న యజమాని బయటకువెళ్లిన తర్వాత హత్యకు పాల్పడ్డారు. రాకేశ్ తన భార్యకోసం ఎన్ని మార్లు ఫోన్ చేసినా లిఫ్ట్ చేయకపోవడంతో రాత్రి ఏడు గంటల సమయంలో ఇంటికొచ్చి తలుపతట్టినా తీయలేదు. అయితే్ప్లంబర్ ను పిలిచి తలుపులు తెరవడంతో రేణు హత్యకు గురయి ఉండటాన్ని గమనించారు. రేణు కాళ్లు,చేతులు కట్టేసి కుక్కర్ తో తలపై మోదారు. రేణు శరీరంపై ఉన్న నగలను మాత్రమే వారు దోచుకెళ్లారు. ఈ దారుణానికి హర్ష, రోషన్ లు పాల్పడ్డారని సీసీ టీవీ పుటేజీద్వారా గుర్తించారు. గొంతు కోసి మరీ అత్యంత కిరాతకంగా చంపిన జార్ఖండ్ యువకుల కోసం పోలీసులు గాలిస్తున్నారు. ఇంట్లో ఉన్న లాకర్ ను బద్దలు కొట్టి సూట్ కేసులతో సర్దుకుని వెళ్లినట్లు గమనించి వారి కోసం ప్రత్యేక బృందాలను నియమించారు. పోలీసుల దర్యాప్తు కొనసాగుతుంది.