Fri Dec 05 2025 18:53:10 GMT+0000 (Coordinated Universal Time)
భర్త మర్మాంగాన్ని కోసిన భార్య.. భర్త ఫిర్యాదు
తనకు ఇష్టం లేకపోయినా.. బలవంతంగా శృంగారంలో పాల్గొనేందుకు ప్రయత్నించిన భర్తపై భార్యఆగ్రహం వ్యక్తం చేసింది.
తనకు ఇష్టం లేకపోయినా.. బలవంతంగా శృంగారంలో పాల్గొనేందుకు ప్రయత్నించిన భర్తపై భార్య(24) ఆగ్రహం వ్యక్తం చేసింది. కోపం పట్టలేక అతని మర్మాంగాన్ని కోసేసింది. ఈ ఘటన మధ్యప్రదేశ్ లోని టీకంగఢ్ జిల్లాలోని రామ్ నగర్ ప్రాంతంలో జరిగింది. ఈ నెల 7వ తేదీ జరిగిన ఈ ఘటన భర్త ఫిర్యాదుతో ఆలస్యంగా వెలుగులొకిచ్చింది. జాతర పోలీస్ స్టేషన్ అధికారి తివేంద్ర త్రివేదీ తెలిపిన వివరాల మేరకు రామ్ నగర్ లో బాధిత భర్త (26) భార్యతో కలిసి ఉంటున్నాడు.
ఇష్టం లేకుండా...
ఆదివారం అతను ఫిర్యాదు చేయడంతో ఈ ఘటన వెలుగులోకొచ్చింది. " నా భార్యకు ఇష్టం లేనప్పటికీ శృంగారంలో పాల్గొనేందుకు ప్రయత్నించా. దీంతో ఆమె ఈ ఘోరానికి పాల్పడింది" అని బాధితుడు ఆదివారం ఫిర్యాదు చేసినట్లు తెలిపారు. 2019లో వారికి వివాహం జరగ్గా.. కొన్ని గొడవల కారణంగా విడిపోయారు. పెద్దలు సర్దిచెప్పడంతో ఇటీవలే ఈ జంట మళ్లీ కలిశారు. ఇంతలోనే ఈ ఘోరం జరిగిందని ఆయన వివరించారు. కాగా.. ఘటనానంతరం భర్త శస్త్ర చికిత్స చేయించుకుని ఫిర్యాదు చేయడంతో విషయం ఆలస్యంగా తెలిసిందని త్రివేదీ వివరించారు.
Next Story