ఓ ప్రైవేట్ డిటెక్టివ్ ఏజెన్సీ ఉద్యోగి.. చేస్తున్న పనులేంటంటే..?

వ్యక్తిగత సమాచారాన్ని చట్టవిరుద్ధంగా అందజేస్తున్న ఓ ప్రైవేట్ డిటెక్టివ్ ఏజెన్సీ ఉద్యోగిని ఢిల్లీ పోలీసులు అరెస్టు చేశారు. ప్రైవేట్ డిటెక్టివ్ ఏజెన్సీలో పనిచేస్తున్న వ్యక్తి భారీగా డబ్బులు తీసుకుని సమాచారాన్ని లీక్ చేస్తున్నాడు. అతడు కాల్ డిటైల్స్ రికార్డ్ (సీడీఆర్) అందిస్తున్నాడని అధికారులకు సమాచారం అందింది. ఈ సమాచారాన్ని నిర్ధారించడానికి ఒక డమ్మీ కస్టమర్‌ను పోలీసులు ఏర్పాటు చేశారు. అయితే పోలీసులకు వచ్చిన సమాచారం నిజమేనని తేలింది. నిందితుడు 22 ఏళ్ల పవన్ కుమార్‌ను ఆగస్టు 8న సెక్టార్ 18, రోహిణి ప్రాంతంలో పట్టుకోగా.. అతడి నుంచి పెన్ డ్రైవ్‌లో సీడీఆర్‌ ఉండడాన్ని గుర్తించారు. అంతేకాకుండా రూ.25,000 స్వాధీనం చేసుకున్నారు.