Crime News :కోటి చోరీ ఈ క్రిమినల్ పనేనా? బత్తుల హైదరాబాద్ లో?

కానీ తాజాగా హైదరాబాద్ లోని బ్రిలియంట్ ఇంజినీరింగ్ కళాశాలలో భారీ చోరీ జరిగింది. కోటి రూపాయల నగదు చోరీకి గురయింది. హైదరాబాద్ నగరం శివారులో ఉన్న అబ్దుల్లాపూర్ మెట్ లో బ్రిలియంట్ ఇంజినీరింగ్ కళాశాల ఉంది. అయితే కోటి రూపాయల నగదును చోరీకి గురికావడంతో ఈ చోరీకి పాల్పడింది బత్తుల ప్రభాకర్ అయి ఉండవచ్చేమోనని అనుమానిస్తున్నారు.బ్రలియంట్ కళాశాల ప్రాంగణంలో ఉన్న సీసీ టీవీ పుటేజీని పోలీసులు పరిశీలిస్తున్నారు. నిందితుల కోసం ప్రత్యేక బృందాలు గాలింపు చర్యలు చేపట్టాయి. వేలిముద్రలను సేకరించారు. అయితే బత్తుల ప్రభాకర్ కేవలం ఇంజినీరింగ్ కళాశాలలను మాత్రమే టార్గెట్ చేసే అలవాటు ఉండటం, అతను పోలీసుల నుంచి తప్పించుకోవడంతో ఆ కోణంలో దర్యాప్తు చేస్తున్నారు.

బత్తుల ప్రభాకర్ కు ప్రత్యేక స్టయిల్ ఉంది. అతని క్రిమినల్ రికార్డు కూడా ఇదే చెబుతుంది. గురువారం మాత్రమే చోరీ చేస్తాడు. శని, ఆదివారాలు మాత్రం ఫుల్లు ఎంజాయ్ చేస్తాడు. కనీసం పది లక్షలు దొరుకుతాయని అంచనా వేసి ముందుగా రెక్కీ చేసిన తర్వాతనే చోరీలు చేయడం ప్రభాకర్ లో ఉన్న మరో స్పెషాలిటీ అని పోలీసులు తెలిపారు. ఇంజినీరింగ్ కళాశాలల్లో చోరీ చేయడం బత్తుల ప్రభాకర్ కు అలవాటు. ఇప్పుడు బ్రిలియంట్ కళాశాలలో చోరీకి గురయింది గురువారం కావడంతో పాటు ఇంజినీరింగ్ కళాశాల కావడంతో బత్తులపై అనుమానాలు బలపడుతున్నాయి. దీంతో ఇప్పుడు తెలంగాణ పోలీసులు కూడా బత్తుల ప్రభాకర్ ఈ చోరీకి పాల్పడ్డాడన్న కోణంలో విచారణ జరుపుతున్నారు.శని, ఆదివారాలు చోరీ చేసిన సొమ్ముతో ఎంజాయ్ చేస్తాడు. అందుకే పబ్ లు, బార్ల వద్ద పోలీసులు నిఘా పెంచినట్లు సమాచారం.