వారణాసిలో ప్రాణాలొదిన తెలుగు కుటుంబం

ఆంధ్రప్రదేశ్‌కు చెందిన ఒకే కుటుంబానికి చెందిన నలుగురు గురువారం వారణాసిలోని ఓ ఆశ్రమంలో శవాలై కనిపించారు. ఆర్థిక సమస్యలతో కుటుంబసభ్యులు ఆత్మహత్యకు పాల్పడ్డారని పోలీసులు అనుమానిస్తూ ఉన్నారు.ఆధ్యాత్మిక యాత్రలో భాగంగా డిసెంబర్ 3న కుటుంబసభ్యులు వారణాసికి వచ్చారు. డిసెంబరు 7వ తేదీ ఉదయం సొంతూరికి వెళ్లాల్సి ఉండగా.. సాయంత్రం వరకు వారి గది నుంచి ఎలాంటి కదలికలు కనిపించలేదు. పోలీసు అధికారుల సమక్షంలో గది తలుపులు బలవంతంగా తెరిచి చూడగా శవమై కనిపించారు. భర్త, భార్య, ఇద్దరు కుమారులు ఆంధ్రప్రదేశ్‌లోని తూర్పుగోదావరి జిల్లా మండ పేట ప్రాంతానికి చెందినవారని తెలుస్తోంది.