డాక్టర్ మర్డర్ ప్లాన్ వెనక ఇంత కథ ఉందా? వరంగల్ లో హత్యాయత్నంలో వీడిన మిస్టరీ

సుమంత్ రెడ్డి 2018లో సంగారెడ్డి ప్రాధమిక ఆరోగ్య కేంద్రంలో కాంట్రాక్టు పద్ధతిన మెడికల్ ఆఫీసర్ గా పనిచేశారు. అంతకు ముందే అంటే 2016లో ఫ్లోరా మరియా అనే యువతిని వివాహం చేసుకున్నారు. మరియా సెయింట్ ఆంథోని స్కూల్ లో టీచర్ గా పనిచేసంది. అయితే వారిద్దరికి పిల్లలు పుట్టలేదు. థైరాయిడ్ కారణంగానే పిల్లలు పుట్టలేదని వైద్యులు చెప్పడంతో మరియా ఒక జిమ్ లో చేరింది. జిమ్ లో చేరిన మరియాకు అక్కడ కోచ్ గా పనిచేస్తున్న సామ్యూల్ తో పరిచయం ఏర్పడింది. ఆ పరిచయం వివాహేతర సంబంధానికి దారి తీసింది. ఈ విషయం తెలిసిన సుమంత్ రెడ్డి మరియాను హెచ్చరించారు. అలాంటి పనులు చేయవద్దంటూ హితవు పలికారు.

తర్వాత సిద్ధిపేట నుంచి తనమకాంను వరంగల్ కు మార్చారు. వరంగల్ లోని ఖాజీపేటలో సొంత హాస్పిటల్ సుమంత్ రెడ్డి పెట్టుకున్నారు. అయితే వరంగల్ కు మారినా మరియా బుద్ధి మారలేదు. తాను ఒక డిగ్రీ కళాశాలలో టీచర్ గా పనిచేస్తూ సామ్యుల్ తో సంబంధం కొనసాగించేందని ఏసీపీ మీడియాకు వివరించారు. సుమంత్ రెడ్డి లేని సమయంలో శామ్యూల్ వరంగల్ వచ్చేవాడు. ఈ విషయం తెలిసిన సుమంత్ రెడ్డి ఇద్దరిని మందలించడంతో డాక్టర్ సుమంత్ రెడ్డిని చంపేందుకు స్కెచ్ వేశారు.శామ్యూల్ మారణాయుధాలను కొనుగోలు చేసి కారులో ఆసుపత్రి నుంచి ఇంటికి వస్తుండగా శామ్యూల్, మరియా, ఏఆర్ కానిస్టేబుల్ కలిసిదాడి చేశారు.రోడ్డు ప్రమాదంగా చిత్రీకరించే ప్రయత్నం చేశారు. సుమంత్ రెడ్డిని సుత్తితో కొట్టారు. చనియాడని భావించి వెళ్లిపోయారు. కానీ సుమంత్ రెడ్డి గాయాల పాలై ఆసుపత్రిలో చికిత్స పొందుతూ ప్రాణాపాయం నుంచి బయటపడ్డారు. పోలీసులు ముగ్గురిని అరెస్ట్ చేసి విచారణ చేసి న్యాయస్థానంలో హాజరుపర్చారు. సుమంత్ రెడ్డి విడాకులకు సహకరించకపోవడం వల్లనే హత్యకు ప్లాన్ చేశామని నిందుతులు పోలీసుల విచారణలో పేర్కొన్నారు. పోలీసులు కేసు నమోదు చేసి దర్యాప్తు చేస్తున్నారు