డీకే ఇంట్లో చోరీకి యత్నించిన అక్రమ్ హిస్టరీ తెలిస్తే వామ్మో అనాల్సిందే

అయితే ధనవంతుల ఇళ్లలో చోరీ చేస్తే ఎక్కువ మొత్తంలో నగదు దొరుకుతుందని భావించి జూబ్లీహిల్స్ పెద్దమ్మ గుడి ప్రాంతంలో రెక్కీ నిర్వహించాడు. అక్రమ్ రెండు రోజుల పాటు అక్రమ్ రెక్కీ నిర్వహించినట్లు పోలీసుల విచారణలో వెల్లడయింది. చివరకు ఎంపీ డీకే అరుణ ఇంటిని ఎంచుకున్నాడు. ఈ ఇంట్లోకి అయితే సులువుగా ప్రవేశించవచ్చని, అలాగే ఎవరైనా పట్టుకుంటే తప్పించుకోవడానికి వెనక మార్గం నుంచి పరారయ్యేందుకు రహదారి ఉండటాన్ని గమనించి డీకే ఇంటిని అక్రమ్ ఎంచుకున్నాడని పోలీసులు తెలిపారు.

అక్రమ్ కు ఒక అలవాటు ఉంది. ఎక్కడకు చోరీకి వెళ్లినా కేవలం నగదు మీద మాత్రమే అతని చూపు పడుతుంది. బంగారు, వెండి వంటి ఆభరణాల జోలికి వెళ్లడు. విలువైన వస్తువులను ముట్టుకోడని పోలీసులు తెలిపారు. వాటిని విక్రయించడం బయట కష్టమవుతుందని, సులువుగా పట్టుబడి పోతామని భావించి అక్రమ్ గోల్డ్ ఆర్నమెంట్స్ కనిపించినా అక్కడే వదిలేస్తాడని పోలీసులు చెప్పారు. కేవలం సులువుగా బతికేందుకు నగదును అపహరించడమే మంచిదని భావించి ఈ మార్గాన్ని ఎంచుకున్నాడు. విలాసవంతమైన జీవితానికి అలవాటుపడిన అక్రమ్ దొంగతనాలకు అలవాటు పడినట్లు పోలీసుల విచారణలో తేలింది.