గర్భిణిపై సామూహిక అత్యాచారం.. భర్తను కట్టేసి

పాకిస్థాన్ లో మహిళలపై అఘాయిత్యాలకు ఎండ్ కార్డు పడడం లేదు. రోజూ ఏదో ఒక చోట మహిళలపై తీవ్రమైన నేరాలు జరుగుతూ ఉన్నాయి. తాజాగా గర్భిణిపై సామూహిక అత్యాచారం చేసిన ఘటన సంచలనంగా నిలిచింది. పంజాబ్ ప్రావిన్స్‌లో ఓ గర్భిణిపై ఐదుగురు వ్యక్తులు సామూహిక అత్యాచారానికి పాల్పడ్డారని అక్కడి మీడియా కథనాలు చెబుతున్నాయి. ఐదుగురు సాయుధ వ్యక్తులు జీలం నగరంలోని ఓ మహిళ ఇంట్లోకి చొరబడ్డారని డైలీ పాకిస్థాన్ తెలిపింది. నిందితుల బృందం మొదట బాధితురాలి భర్తపై దాడి చేసి.. ఆ తర్వాత అతడిని తాడుతో కట్టివేశారు. ఈ ఘటన తర్వాత పంజాబ్ పోలీసులు నిందితుల కోసం గాలింపు చర్యలు చేపట్టారు. గర్భిణికి వైద్య పరీక్షలు పూర్తయ్యాయని, బాధితురాలి రక్త నమూనాను కూడా ఫోరెన్సిక్ పరీక్ష కోసం లాహోర్‌కు పంపినట్లు పోలీసు అధికారులు తెలిపారు.