Gold Price Today : మళ్లీ భారీగా పెరిగిన బంగారం ధరలు.. కొనుగోలుదారులకు నిరాశ

ఈ ఏడాది జనవరి ఒకటోతేదీ నుంచే బంగారం ధరలు పెరుగుదలను మొదలు పెట్టాయి. రెండు నెలలవుతున్నా ఏమాత్రం తగ్గడం లేదు. ఇప్పటికే పది గ్రాముల బంగారం ధర 88 వేల కు చేరువలో ఉంది. కిలో వెండి ధర లక్షా ఎనిమిది వేల రూపాయలు పలుకుతుంది. ఇంకా ధరలు మరింత పెరిగే అవకాశముందని మార్కెట్ నిపుణులు హెచ్చరిస్తున్నారు. పెళ్లిళ్ల సీజన్ కావడంతో పాటు డిమాండ్ ఎక్కువగా ఉండటం, బంగారం నిల్వలు తక్కువగా ఉండటం, విదేశాల నుంచి బంగారం దిగుమతులు లేకపోవడం వంటి కారణాలతో బంగారం ధరలకు రెక్కలు వచ్చాయని వ్యాపారులు చెబుతున్నారు. ధరల పెరుగుదలతో కొనుగోళ్లు మందగించాయని వ్యాపారులు చెబుతున్నారు.

పెరిగిన ధరలను చూసి బంగారాన్ని, వెండిని కొనుగోలు చేయాలంటే ఎవరూ ముందుకు రాకపోవడంతో జ్యుయలరీ దుకాణాలు కూడా కస్టమర్లు లేక వెలవెలబోతున్నాయి. అదే సమయంలో ఈరోజు కూడా దేశంలో బంగారం ధరలు భారీగా పెరిగాయి. వెండి ధరల్లో అంతే పెరుగుదల కనిపించింది. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 80,560 రూపాయలుకు చేరుకుంది. 24 క్యారెట్ల పది గ్రాముల బంగారం ధర 87,880 రూపాయలుగా నమోదయింది. కిలో వెండి ధర 1,08,100 రూపాయలుగా కొనసాగుతుంది. మధ్యాహ్నానికి ధరల్లో మార్పులు కనిపించే అవకాశముందని వ్యాపారులు చెబుతున్నారు.