Gold Prices Today : పడతులకు పసిడి ఇక అందుబాటులో ఉండదా? ఇక కొనటం కష్టమేనా?

ఆషాఢం మాసం చివరిలోనే ఇలా షాకిస్తున్న బంగారం, వెండి ధరలు శ్రావణ మాసం ప్రారంభమయితే ఇంకెంత పెరుగుతాయన్నది మాత్రం అర్థం కాకుండా ఉంది. కేంద్ర ప్రభుత్వం బడ్జెట్ లో కస్టమ్స్ సుంకం పై ఆరు శాతం తగ్గించినప్పటికీ ధరలు కొంత తగ్గి తిరిగి పెరగడం ప్రారంభించాయి. అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి విలువ తగ్గుదల, విదేశాల్లో నెలకొన్న మాంద్యం, దిగుమతులు తగ్గడం వంటి కారణాలు బంగారం ధరలు పెరగడానికి కారణమని మార్కెట్ నిపుణులు చెబుతున్నారు. రానున్న కాలంలో ధరలు మరింత పెరుగుతాయని చెబుతున్నారు. అందుకే ఇప్పుడే కొనుగోలు చేయడం మంచిదని సూచిస్తున్నారు.

ఈరోజు దేశంలో బంగారం ధరలు భారీగా పెరిగాయి. వెండి ధరల్లో కూడా ఎక్కువ మొత్తంలోనే పెరుగుదల కనిపించింది. పది గ్రాముల బంగారం ధరపై 1,170 రూపాయలు పెరిగింది. కిలో వెండి ధరపై ఆరు వందల రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 64,510 రూపాయలకు చేరుకుంది. 24 క్యారెట్ల పది గ్రాముల బంగారం ధర 70,370 రూపాయలుగా కొనసాగుతుంది. ఈరోజు ఉదయం ఆరు గంటల వరకే ఈ ధరలున్నాయి. మధ్యాహ్నానికి మరింత పెరిగే అవకాశముంది. కిలో వెండి ధర ప్రస్తుతం 91,800 రూపాయలుగా ట్రెండ్ అవుతుంది.