Gold Price Today : మహిళలకు గుడ్ న్యూస్.. తగ్గిన బంగారం ధరలు

ఇక నవంబరు, డిసెంబరు నెలల్లో మంచి ముహూర్తాలున్నాయి. నవంబరు నెల నుంచి కార్తీక మాసం ప్రారంభం కానుండటంతో ధరలు మరింత ప్రియమయ్యే అవకాశాలున్నాయంటున్నారు. పెళ్లిళ్లు కూడా అత్యధిక సంఖ్యలో జరుగుతాయని చెబుతున్నారు. దేశ వ్యాప్తంగా కొన్ని కోట్ల పెళ్లిళ్లు ఈ రెండు నెలల్లో జరిగే అవకాశముందని వ్యాపార వర్గాలు చెబుతుండటంతో పుత్తడి ధరలకు రెక్కలొచ్చే అవకాశముంది. భారీగానే పెరిగినా పెరగవచ్చని మార్కెట్ నిపుణులు అంచనా వేస్తున్నారు. అదే జరిగితే బంగారం సామాన్యులకు భారం అయిపోతుంది. అందుకే ముందుగా కొనుగోలు చేయదలచుకున్న వారికి ఇదే మంచి సమయమని కూడా పలువరు సూచిస్తున్నారు.

బంగారం అంటేనే దక్షిణ భారత దేశంలో మక్కువ ఎక్కువ. ఇక్కడ అత్యధికంగా కొనుగోళ్లు నిత్యం జరుగుతుంటాయి. కోట్లాది రూపాయల విలువైన బంగారు ఆభరణాలు ప్రతి రోజూ అమ్ముడవుతుంటాయి. ఈరోజు మాత్రం పసిడి ప్రియులకు కొంత గుడ్ న్యూస్ అని చెప్పాలి. నేడు దేశంలో బంగారం ధరలు స్వల్పంగా తగ్గాయి. వెండి ధరల్లో కూడా కొద్దిగా మార్పు కనిపించింది. పది గ్రాముల బంగారం ధరపై పది రూపాయలు తగ్గింది. కిలో వెండి ధరపై వంద రూపాయలు తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 71,190 రూపాయలుగా ఉంది. 24 క్యారెట్ల పది గ్రాముల బంగారం ధర 77,660 రూపాయలుగా కొనసాగుతుంది. కిలో వెండి ధర 1,02,900 రూపాయలుగా ట్రెండ్ అవుతుంది.