Gold Rates Today : పసిడి ఇలా షాకిస్తుంటే...ఇక కొనుగోలు చేయడం కష్టమేమో?

జ్యుయలరీ దుకాణాల యాజమాన్యం ఎన్ని ఆఫర్లు ప్రకటించినా బంగారం, వెండిని కొనుగోలు చేయడానికి ముందుకు రావడం లేదు. ఎందుకంటే ఇప్పటికే పది గ్రాముల బంగారం ధర 90 వేల రూపాయలకు చేరుకుంది. కిలో వెండి ధర 1,12 వేల రూపాయలుగా ఉంది. ఇలా ధరలు మండిపోతుంటే కొనుగోలు చేయడం అనవసరమని భావించిన పేద, మధ్యతరగతి ప్రజలు బంగారం, వెండి వైపు చూడటం మానేశారు. గోల్డ్, సిల్వర్ ధరలకు రెక్కలు వస్తున్నాయి. పెళ్లిళ్ల సీజన్ జోరుగా నడుస్తుంది. రోజుకు కొన్ని వందల పెళ్లిళ్లు తెలుగు రాష్ట్రాల్లోనే జరగుతున్నాయి. అయినా బంగారం, వెండి కొనుగోళ్ల విషయాల్లో ఎలాంటి మార్పు లేదనివ్యాపారులు లబోదిబోమంటున్నారు.

నిన్నటి వరకూ బంగారం, వెండి స్టేటస్ సింబల్ గా ఉండేది. ఇప్పుడు అది కాస్తా కొందరికే పరిమితమయింది. పెట్టుబడి పెట్టే వారు, ధనవంతులు మినహా మిగిలిన వారు బంగారం విషయంలో కొనుగోలు దారులు ఆలోచన చేస్తున్నారు. ఈరోజు దేశంలో బంగారం, వెండి ధరలు కొంత శాంతించాయి. గత కొద్ది రోజులుగా పెరుగుతున్న ధరలకు బ్రేక్ పడ్డాయి. నేడు దేశంలో బంగారం ధరలు స్థిరంగా ఉన్నాయి. వెండి ధరలు కూడా నిలకడకాగానే ఉన్నాయి. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 82,200 రూపాయలుగా ఉంది. 24 క్యారెట్ల పది గ్రాముల బంగారం ధర 89,670 రూపాయలుగా కొనసాగుతుంది. కిలో వెండి ధర 1,12,000 రూపాయలుగా నమోదయింది.