Gold Price Today : భారీ ఊరట.. బంగారం కొనేందుకు ఇదే మంచి టైం

అమెరికా - చైనాల మధ్య ట్రేడ్ ఒప్పందం కుదరడంతో పాటు సుంకాలు తగ్గించుకోవడం, పాక్ - భారత్ సరిహద్దుల్లో టెన్షన్ వాతావరణం సద్దుమణగడం కూడా బంగారం, వెండి ధరలు దిగి రావడానికి కారణాలుగా చెబుతున్నారు. అందుకే అంతర్జాతీయంగా జరిగే పరిణామాలను అనుసరించి ధరల్లో మార్పులు కనిపిస్తాయంటున్నారు. పెళ్లిళ్ల సీజన్ కావడంతో ధరలు చాలా వరకూ తగ్గడంతో ఇక కొనుగోళ్లు కూడా ఊపందుకుంటాయని వ్యాపారులు భావిస్తున్నారు. కేంద్ర ప్రభుత్వం కూడా కొంత బంగారం పై సుంకాలు తగ్గించగలిగితే ఇంకా ధరలు దిగి వస్తాయని నిపుణులు చెబుతున్నారు. కానీ ఇప్పుడు కొనుగోలు చేయడం మంచిదని, ఇక ధరలు మరింతగా దిగి రావని కూడా వ్యాపారులు చెబుతున్నారు.

సీజన్ అయినా సరే తమకు అవసరానికి మించి ఎవరూ బంగారాన్ని కొనుగోలు చేయడం లేదు. బంగారం పై పెట్టే పెట్టుబడిని ప్రత్యామ్నాయం వైపు పెడుతున్నారు. బంగారాన్ని కొనుగోలు చేస్త సురక్షితమైన పెట్టుబడిగా భావించే వారు కూడా నేడు కొంత ఆలోచనలో పడిపోయారు. ఈరోజు దేశంలో బంగారం ధరలు స్వ్పలంగా తగ్గాయి. వెండి ధరల్లో కూడా కొంత తగ్గుదల కనిపించింది. పది గ్రాముల బంగారం ధరపై పది రూపాయలు తగ్గింది. కిలో వెండిధరపై వంద రూపాయలు తగ్గింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 88,790 రూపాయలుగా ఉంది. 24 క్యారెట్ల పది గ్రాముల బంగారం ధర 96.870 రూపాయలుగా కొనసాగుతుంది. కిలో వెండి ధర 1,08,900 రూపాయలుగా ట్రెండ్ అవుతుంది.