Gold Price Today : కనికరం లేకుండా పెరుగుతున్న బంగారం.. షాకిస్తున్న వెండి ధరలు

బంగారాన్ని కొనేవారు ప్రస్తుతం కనిపించడం లేదు. తులం బంగారం కొనుగోలు చేయాలంటే లక్షలు పోయాలి. అంత సొమ్ము ఖర్చు చేసి బంగారాన్ని కొనుగోలు చేయడానికి ఎవరూ ఇష్టపడటం లేదు. ప్రధానంగా మధ్యతరగతి, ఉద్యోగులు, ఎగువ మధ్య తరగతి ప్రజలు కొనుగోలు చేస్తేనే బంగారానికి డిమాండ్ ఉంటుంది. కానీ బంగారానికి డిమాండ్ తో పనిలేదు. సీజన్ తో సంబంధం లేదు. తన పని పెరగడమే భావిస్తున్నట్లుంది. అందుకే ఈ ఏడాది ప్రారంభమైన ధరల పెరుగుదల ఇక ఆగేటట్లు కనిపించడం లేదు. మరో రెండు నెలల పాటు పెళ్లిళ్ల ముహూర్తాలు ఉండటంతో పాటు పండగలు కూడా వస్తుండటంతో భారీగా ధరలు పెరిగి ఇక అందనంత దూరంలో ఉంటాయన్నది మాత్రం అతిశయోక్తి కాదు.

బంగారం ప్రతి రోజూ తన రికార్డులను తానే బ్రేక్ చేసుకుంటుంది. ధరల పెరుగుదల విషయంలో ఏ మాత్రం తగ్గడం లేదు. దీని ప్రభావం వినియోగదారులపై తీవ్ర ప్రభావం చూపుతుంది. బంగారానికి చాలా వర్గాల ప్రజలు ఇప్పటికే దూరమయ్యారు. తాజాగా ఈరోజు దేశంలో బంగారం ధరలు భారీగా పెరిగాయి. వెండి ధరలు స్వల్పంగా పెరిగాయి. కిలో వెండి ధరపై వంద రూపాయలు పెరిగింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,06,060 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,15,700 రూపాయలుగా ఉంది. కిలో వెండి ధర 1,50,000 రూపాయలుగా ట్రేడ్ అవుతుంది. మధ్యాహ్నానికి ధరలు ఇంకా పెరిగే అవకాశముందని వ్యాపారులు చెబుతున్నారు.