Gold Price Today : పరాభవనామ ఉగాదికి పసిడి ధరలు మరింత పడిపోనున్నాయా?

ఇరాన్ - ఇజ్రాయిల్ మధ్య యుద్ధం రెండు వారాలుగా కొనసాగుతున్నప్పటికీ ధరలు పెరగకపోవడం ఒకరకంగా ఆనందమే. అయితే ధరలు మరింతగా తగ్గితే కొనుగోలు చేయాలని చాలా మంది భావిస్తున్నారు. మరొకవైపు పెళ్లిళ్ల సీజన్ కూడా ప్రారంభం కావడంతో శుభకార్యానికి అవసరమైన బంగారం, వెండి కొనుగోలుకు కొందరు మాత్రం తప్పని సరి పరిస్థితుల్లో కొనుగోలు చేస్తున్నారు. అందుకే ప్రస్తుతం జ్యుయలరీ దుకాణాలు కస్టమర్లలో కళకళలాడుతున్నాయి. అయితే ధరలు మరింతగా తగ్గితే మాత్రం అమ్మకాలు మరింతగా పెరుగుతాయని వ్యాపారులు భావిస్తున్నారు.

మరొకవైపు బంగారం, వెండిపై మదుపు చేసే వారు మాత్రం ప్రస్తుతం కరువయ్యారు. గతంలో బంగారం, వెండిపై ఎక్కువగా పెట్టుబడి పెట్టేవారు నేడు దానిపై మదుపు చేస్తే సురక్షితం కాదని వెనకడగు వేస్తున్నారు. ఈరోజు దేశంలో బంగారం ధరలు స్థిరంగా ఉన్నాయి. వెండి ధరల్లో భారీ తగ్గుదల కనిపించింది. కిలో వెండి ధరపై పది వేల రూపాయలు తగ్గింది. ఈరోజు ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,46,350 రూపాయలుగా ఉంది. 24 క్యారెట్ల పది గ్రాముల బంగారం ధర 1,59,660 రూపాయలుగా కొనసాగుతుంది. కిలో వెండి ధర 2,80,000 రూపాయలుగా ట్రేడ్ అవుతుంది.